Cyclone Akvan | అక్వాన్ తుపాను ఎఫెక్ట్.. అల్లకల్లోలంగా సముద్రం.. పూరీ తీరం వెంట ఎర్ర జెండాలు.. Video

Cyclone Akvan : బంగాళాఖాతం (Bay of Bengal) లో ఏర్పడిన అక్వాన్ తుపాను (Aqua cyclone) తీరంవైపు దూసుకొస్తున్నది. దాంతో సముద్రం అల్లకల్లోలంగా మారింది. అలలు ఎగిసిపడుతున్నాయి. పూరీ తీరం అల్లకల్లోలంగా మారడంతో ఆ జిల్లా అధికార యంత్రాంగం అప్రమత్తమైంది. టూరిస్టులు, స్థానికులు ప్రమాదకరంగా మారిన బీచ్లలోకి రాకుండా హెచ్చరికలు చేసింది. ఈ మేరకు అధికారులు తీరం వెంట ఎర్రజెండాలు ఏర్పాటు చేశారు.
అదేవిధంగా తీర ప్రాంతాల్లో అగ్నిమాపక సిబ్బంది, జాతీయ విపత్తు ప్రతిస్పందన దళం (NDRF) బృందాలను మోహరించారు. తీరంలోని ప్రజలను ఖాళీ చేయించారు. పూరీ తీరంలో రెస్క్యూ అధికారులు వాహనాల్లో తిరుగుతూ మైకుల ద్వారా హెచ్చరికలు చేస్తున్నారు. ప్రజలెవరూ తీరంవైపు రావద్దని, అనుక్షణం అప్రమత్తంగా ఉండాలని సూచిస్తున్నారు. సముద్రం అల్లకల్లోలంగా ఉన్న దృశ్యాలను, అధికారులు హెచ్చరికలు చేస్తున్న దృశ్యాలను కింది వీడియోలో మీరు కూడా చూడవచ్చు.
#WATCH | Puri, Odisha: In view of Cyclone Akvan, the Puri district administration has been placed on high alert. Fire Services personnel and National Disaster Response Force (NDRF) teams are deployed in vulnerable coastal areas, and red warning flags have been put up along the beach to prevent tourists and locals from venturing into the extremely rough sea.
— ANI (@ANI) November 19, 2026
Comments (0)