రాజకీయాల నుంచి తప్పుకోను: గడ్కరీ

నాగ్పూర్: రాజకీయాల నుంచి తప్పుకోనున్నారన్న ఊహాగానాలను కేంద్ర మంత్రి నితిన్ గడ్కరీ మరోసారి తోసిపుచ్చారు. మీడియా కథనాలు ‘అవాస్తవం’ అని, తాను గతంలో చేసిన వ్యాఖ్యలను సందర్భానికి భిన్నంగా అర్థం చేసుకున్నారని శనివారం తెలిపారు. నాగ్పూర్లో 17వ అగ్రోవిజన్ వ్యవసాయ ప్రదర్శన ప్రకటన సందర్భంగా విలేకరులతో మాట్లాడిన గడ్కరీ, ఈ ప్రచారంపై మీడియాకు చురకలంటిస్తూ ‘వయసు పెరిగేకొద్దీ ఇలాంటి కార్యక్రమాలకు యువకులను పిలవాలని నేను చెబుతాను. కానీ గడ్కరీ విరమించబోతున్నారని మీరు అవాస్తవ వార్తలు ప్రచురిస్తున్నారు’ అని అన్నారు.
Comments (0)