మైనారిటీ సంక్షేమ దినోత్సవంపై నిర్లక్ష్యం

• మెమోలు ఇచ్చి పట్టించుకోని సర్కార్‌
• ప్రభుత్వ వైఖరిపై ఆయా వర్గాల ఫైర్‌
• ప్రజావాణిలో విన్నవించినా పట్టదా?

హైదరాబాద్‌, నవంబర్‌ 10 (నమస్తే తెలంగాణ): మైనారిటీ సంక్షేమ దినోత్సవ నిర్వహణపై ప్రభుత్వం నిర్లక్ష్యం చేస్తున్నదని మైనారిటీ సంఘాల నేతలు ఆవేదన వ్యక్తంచేస్తున్నారు. ఏటా మెమోలు జారీ చేసి చేతు లు దులుపుకొంటున్నదని, క్షేత్రస్థాయిలో అ ధికారికంగా వేడుకలు నిర్వహించకుండా చి న్నచూపు చూస్తున్నదని మండిపడుతున్నా రు. గతంలో ప్రత్యేకంగా నిధులు విడుదల చేసి ప్రభుత్వ పాఠశాలలు, విద్యాసంస్థల్లో వేడుకలు నిర్వహించేవారని గుర్తుచేస్తున్నా రు. కానీ, రేవంత్‌ సర్కార్‌ వేడుకల నిర్వహణపై ఆసక్తి చూపడంలేదని అసంతృప్తి వ్యక్తం చేస్తున్నారు.

భారతదేశ తొలి విద్యాశాఖ మంత్రి మౌలనా అబుల్‌కలామ్‌ జయంతిని పురస్కరించుకొని ఏటా నవంబర్‌ 11న మైనారిటీ సంక్షేమ దినోత్సవంగా నిర్వహిస్తారు. ప్రభుత్వ విద్యాసంస్థలు, మైనారిటీ సంబంధ కార్యాలయాల్లో వేడుకలు నిర్వహించడం ఆనవాయితీ. గత ప్రభుత్వాలు ఇందుకు ప్రత్యేకంగా నిధులు కేటాయించేవి. కానీ రేవంత్‌ సర్కార్‌ మైనారిటీ సంక్షేమ దినోత్సవాన్ని విస్మరిస్తున్నదనే ఆరోపణలు వినిపిస్తున్నాయి.

మైనారిటీ సంక్షేమ దినోత్సవాన్ని అధికారికంగా నిర్వహించాలని, ఇందుకు ప్రత్యేకంగా నిధులు విడుదల చేయాలని ప్రజావాణిలో అధికారులకు విన్నవించినా పట్టించుకోలేదు. మైనారిటీలంటే ప్రభుత్వానికి చిన్నచూపు ఎందుకు? ఇది రాష్ట్ర జనాభాలో 15% ఉన్నవారిని అవమానించడమే.
-ఎండీ యాకూబ్‌పాషా, మైనారిటీ సంక్షేమ సంఘం రాష్ట్ర అధ్యక్షుడు