‘తెలంగాణ ఉద్యమస్ఫూర్తి ప్రతీక కాళోజీ’

– కోదాడ మాజీ ఎమ్మెల్యే బొల్లం మ‌ల్ల‌య్య యాద‌వ్‌

కోదాడ‌, న‌వంబ‌ర్ 13 : తన తుది శ్వాస వరకు తెలంగాణ రాష్ట్ర ఆకాంక్షను కోరుకోవడమే కాక, ఉద్యమ స్ఫూర్తిని రగిలించిన కవి ప్రజాస్వామిక వాది కాళోజీ నారాయణరావు అని కోదాడ మాజీ ఎమ్మెల్యే బొల్లం మల్లయ్య యాదవ్ కొనియాడారు. శుక్రవారం కోదాడ‌లోని త‌న నివాసంలో కాళోజీ వర్ధంతి సందర్భంగా ఆయన చిత్రపటానికి పూలమాల వేసి నివాళులర్పించారు. ఈ సంద‌ర్భంగా మాట్లాడుతూ.. కాళోజీ తన రచనల్లో తెలంగాణ ఎలా ఆంధ్ర వలస పాలకుల పాలన కింద నష్టపోయిన అంశాలను వివరించారన్నారు. ప్రజాస్వామ్య విలువల కోసం, పౌర హక్కుల కోసం కృషి చేశారని కొనియాడారు. ఆయన స్ఫూర్తితోనే ఉద్యమ నేత కేసిఆర్ తెలంగాణ రాష్ట్రాన్ని సాధించారని పేర్కొన్నారు. కాళోజీ స్ఫూర్తిగా తెలంగాణ పునర్నిర్మాణంలో ప్రతి ఒక్కరూ భాగస్వాములు కావాలని కోరారు. ఈ కార్యక్రమంలో బీఆర్ఎస్ పట్టణ అధ్యక్షుడు నయీమ్, అబ్బు ఉపేందర్, చీమ శ్రీను, కరీముల్లా, బాబా, ఉపేందర్ గౌడ్, చింతల లింగయ్య, శ్రీనివాస్, ఇత‌ర‌ నాయకులు పాల్గొన్నారు.