Rare opportunity | బేగంపేట విద్యార్థులకు అరుదైన అవకాశం.. రాష్ట్రపతి భవ‌న్‌కు ఆహ్వానం

రాయపోల్ : మారుమూల గ్రామంలోని ప్రభుత్వ పాఠశాలలో చదువుతూ జాతీయ స్థాయిలో సైన్స్‌ ప్రదర్శనల్లో ప్రతిభ చాటిన సిద్దిపేట జిల్లా రాయపోల్ బేగంపేట విద్యార్థులకు ( Begumpet student ) అరుదైన అవకాశం ( Rare opportunity )లభించింది. ఈ నెల 14న న్యూఢిల్లీలోని రాష్ట్రపతి భవన్‌ ( Rashtrapati Bhavan )లో నిర్వహించే బాలల దినోత్సవ వేడుకల్లో పాల్గొనేందుకు పాఠశాల విద్యార్థులు, ఉపాధ్యాయులకు ఆహ్వానం అందింది.

జాతీయ స్థాయి సైన్స్‌ ఎగ్జిబిషన్లు, విజ్ఞాన ప్రదర్శనల్లో విద్యార్థులు ప్రదర్శించిన సృజనాత్మకత, శాస్త్రీయ ఆలోచనలు, నూతన ఆవిష్కరణల ఫలితంగా ఈ అవకాశం దక్కిందని ప్రధానోపా ధ్యాయురాలు ప్రమీల తెలిపారు. రాష్ట్రపతిని కలుసుకుని రాష్ట్రపతి భవన్‌లో జరిగే వేడుకల్లో పాల్గొనడం జీవితంలో మరిచిపోలేని అనుభూతి అని పేర్కొన్నారు.

ఎంతో ఆనందంగా, గర్వంగా ఉంది : విద్యార్థిని దరిపల్లి పావని

రాష్ట్రపతి భవన్‌ను సందర్శించే అవకాశం రావడం ఎంతో ఆనందంగా, గర్వంగా ఉంది. ఉపాధ్యాయుల ప్రోత్సాహంతో ఆత్మవిశ్వాసం, సృజనాత్మకత పెరిగాయని, భవిష్యత్తులో ఉన్నత లక్ష్యాలు సాధించి దేశానికి మంచి పేరు తేవాలన్నదే తనలక్ష్యమని అన్నారు.

ఈ అవకాశం ఎంతో అదృష్టం : మంద హర్షవర్ధన్‌

రాష్ట్రపతి భవన్‌ను సందర్శించే అవకాశం రావడం అదృష్టంగా భావిస్తున్నాను. పాఠశాలలో నిర్వహించే సైన్స్‌ ప్రయోగాలు, తి ప్రాజెక్టులు కొత్త విషయాలు తెలుసుకోవాలనే ఆసక్తిని పెంచాయి. భవిష్యత్తులో శాస్త్రవేత్తగా ఎదిగి దేశ అభివృద్ధికి కృషి చేయాలనేది తన కల అని వెల్లడించారు.