డీఎస్పీల బదిలీలకు రంగం సిద్ధం

• జిల్లాలు, కమిషనరేట్లలో ఖాళీలపై ఉన్నతాధికారుల ఆరా
• ఒకే సబ్‌ డివిజన్‌లో రెండేండ్లకుపైగా కొనసాగుతున్నవారిపై దృష్టి

హైదరాబాద్‌, నవంబర్‌ 10 (నమస్తే తెలంగాణ): రాష్ట్ర పోలీస్‌ శా ఖలో డీఎస్పీల బదిలీలకు రంగం సిద్ధమవుతున్నది. ఖాళీగా ఉన్న పోస్టుల ను భర్తీతోపాటు, దీర్ఘకాలంగా ఒకే చోట ఉన్నవారికి స్థానచలనం కల్పించేందుకు కసరత్తు చేస్తున్నట్టు తెలుస్తున్నది. డీజీపీ సీవీ ఆనంద్‌ ఆదేశాల మేరకు జిల్లాలు, పోలీస్‌ కమిషనరేట్ల పరిధిలో వివరాలను ఇప్పటికే సేకరించినట్టు సమాచారం.

రాష్ట్రంలోని పలు జిల్లాలు, కమిషనరేట్ల పరిధిలో డీఎస్పీ స్థాయి పోస్టులు ఖాళీగా ఉండటం, కొన్ని ప్రాంతాల్లో అదనపు బాధ్యతలతో అధికారులు విధులు నిర్వహించాల్సి వస్తుండటంతో ఈ ఖాళీల భర్తీపై పోలీస్‌ శాఖ దృష్టి సారించినట్టు తెలుస్తున్నది. దీంతో రెండేండ్లకుపైగా ఒకే ప్రాంతంలో కొనసాగుతున్న డీఎస్పీలను ఇతర ప్రాంతాలకు బదిలీ చేసే అవకాశాలున్నాయి. అయితే రెండేం డ్ల సర్వీసు పూర్తయిన ప్రతి డీఎస్పీని తప్పనిసరిగా బదిలీ చేస్తారా? లేక పరిపాలనా అవసరాలకు అనుగుణంగా ఎంపిక చేసిన అధికారులకే స్థానచలనం కల్పిస్తారా? అన్నదానిపై స్పష్టత రావాల్సి ఉన్నది.