Watch: బైకర్‌పై ఏనుగు దాడి.. అతడ్ని పలుమార్లు తొక్కిన వీడియో వైరల్‌

డెహ్రాడూన్: రోడ్డుపై వెళ్తున్న బైకర్‌పై ఒక ఏనుగు దాడి చేసింది. దీంతో రోడ్డు డివైడర్‌ అంచులో అతడు పడ్డాడు. కిందపడిన ఆ వ్యక్తిని ఏనుగు రెండుసార్లు తొక్కింది. అతడి మీదుగా నడుచుకుంటూ వెళ్లింది. అయితే ఆశ్చర్యకరంగా ఆ వ్యక్తి ప్రాణాలతో బయటపడ్డాడు. పైకి లేచి అక్కడి నుంచి వెళ్లిపోయాడు. (elephant attacks biker) ఈ వీడియో క్లిప్‌ సోషల్‌ మీడియాలో వైరల్‌ అయ్యింది. ఉత్తరాఖండ్‌ రాజధాని డెహ్రాడూన్‌లో ఈ సంఘటన జరిగింది. నవంబర్ 12న తెల్లవారుజామున 4 గంటల సమయంలో హరిద్వార్-డెహ్రాడూన్ జాతీయ రహదారిలోని నేపాలీ ఫామ్ సమీపంలో ఒక ఏనుగు రోడ్డుపైకి వచ్చింది. బైక్‌పై వెళ్తున్న ఒక వ్యక్తిపై అది దాడి చేసింది. అదుపుతప్పిన అతడు రోడ్డు డివైడర్‌ వద్ద పడిపోయాడు. గమనించిన కొందరు వ్యక్తులు గట్టిగా అరిచారు. ఆ ఏనుగును తరిమేందుకు ప్రయత్నించారు.

కాగా, కిందపడిన ఆ వ్యక్తి కడుపు, ఛాతిపై ఆ ఏనుగు తన పాదంతో రెండుసార్లు తొక్కింది. ఆ తర్వాత అతడి పైనుంచి నడుచుకుంటూ అది వెళ్లింది. ఏనుగు తొక్కినప్పటికి ఆ వ్యక్తి ప్రాణాలతో బయటపడ్డాడు. ఆశ్చర్యకరంగా అతడికి ఎలాంటి గాయాలు కాలేదు. ఆ వ్యక్తి వెంటనే పైకి లేచాడు. కిందపడిన తన బైక్‌ను పైకిలేపాడు. కొందరు వ్యక్తులు అతడి వద్దకు చేరుకుని సహకరించారు. ఆ సమయంలో వాహనాల్లో వెళ్తున్న వ్యక్తులు ఇది చూసి విస్మయం చెందారు. ఒకరు రికార్డ్‌ చేసిన వీడియో క్లిప్‌ సోషల్‌ మీడియాలో వైరల్‌ అయ్యింది.

Dehradun – A wild elephant went on a rampage on a road near Dehradun’s Jolly Grant Airport, suddenly attacking a young man riding a motorcycle and attempting to trample him under its feet. The incident, captured in a video that has gone viral, sparked panic among bystanders, the elephant emerged onto the road and charged at the motorcyclist, knocking him and his vehicle down. The animal then moved over the fallen rider, appearing to try to crush him with its feet. Terrified onlookers raised an alarm by shouting, after which the elephant retreated toward the nearby forest.

— NextMinute News (@nextminutenews7) November 12, 2026