‘చలో’.. స్పోర్ట్స్ సీఖో.. కేటీఆర్ స్ఫూర్తితో యాప్నకు రూపకల్పన

- యువతను క్రీడల్లో ప్రోత్సహించేందుకు శ్రీకారం
- ఆవిష్కరించిన బీఆర్ఎస్ వర్కింగ్ ప్రెసిడెంట్
- యాప్ రూపకర్తలకు అభినందన
నేరేడ్మెట్, నవంబర్ 18 : యువతను క్రీడల్లో ప్రోత్సహించడంతోపాటు ప్రతిభ ఉన్న క్రీడాకారులకు డిజిట్ వేదిక కల్పించే ఉద్దేశంతో నల్లి ఉమామహేశ్వర్రావు, తన సహచరుడు మయూర్ చౌహాన్ రూపొందించిన చలో(లెట్స్ లర్న్ స్పోర్ట్స్) యాప్ను బుధవారం బీఆర్ఎస్ వర్కింగ్ ప్రెసిడెంట్ కేటీఆర్ ఆవిష్కరించారు. యువతలో సృజనాత్మక ఆలోచనలను ప్రోత్సహిస్తూ, ప్రతి సమస్యకూ ఒక వినూత్న పరిష్కారం వెతకాలనే కేటీఆర్ పలు సందర్భాల్లో ఇచ్చిన సందేశాన్ని స్ఫూర్తి గా తీసుకొని వీరిద్దరు ఈ సరికొత్త మొబైల్ అప్లికేషన్కు శ్రీకారం చుట్టారు.
క్రీడాకారులకు సరైన కోచ్లు, శిక్షణ కేం ద్రాలు, అకాడమీల వివరాలు అందుబాటులోకి తీసుకురావడంతోపాటు, అర్హత కలిగిన కోచ్లకు ఉపాధి కల్పించడమే ఈ యాప్ ప్రధాన ఉద్దేశం. క్రీడాకారులు తమకు నచ్చిన క్రీడను ఎంచుకొని అందుబాటులో ఉన్న కోచ్లు, స్పోర్ట్స్ అకాడమీలు, ఫిట్నెస్ ట్రైనర్లు వివరాలు తెలుసుకోవచ్చు. క్రీడాకారుల నుంచి జాతీయ, అంతర్జాతీయ స్థాయికి ఎదుగాలనుకునే యువతకు సరైన మార్గదర్శకత్వం అందించడంలో ఇది ఉపయోగపడనున్నది.
Comments (0)