చర్లపల్లి రైల్వే స్టేషన్లో భారీ అగ్నిప్రమాదం
చర్లపల్లి రైల్వే స్టేషన్లో భారీ అగ్నిప్రమాదం జరిగింది. ప్లాట్ఫామ్పై మెయింటెనెన్స్ కోసం నిలిపి ఉంచిన ఖాళీ రైలులో మంటలు చెలరేగాయి. అవి వేగంగా వ్యాపించడంతో మొత్తం 7 బోగీలు మంటల్లో చిక్కుకున్నాయి. రైల్వే సిబ్బంది వెంటనే ప్రయాణికులను సురక్షిత ప్రాంతాలకు తరలించి.. అగ్నిమాపక శాఖకు సమాచారం అందించారు. ఫైర్ సిబ్బంది మంటలను అదుపు చేసేందుకు చర్యలు చేపట్టారు.
హైదరాబాద్లోని చర్లపల్లి రైల్వే స్టేషన్లో భారీ అగ్నిప్రమాదం చోటుచేసుకోవడం తీవ్ర కలకలం రేపింది. రైల్వే స్టేషన్ ఆవరణలో మెయింటెనెన్స్ కోసం నిలిపి ఉంచిన ఓ ఖాళీ రైలులో ఒక్కసారిగా మంటలు చెలరేగడంతో అక్కడ ఉన్నవారు తీవ్ర భయాందోళనకు గురయ్యారు. ప్లాట్ఫామ్ నంబర్ 5, 6 మధ్య నిలిపి ఉన్న రైలు చివరి బోగీలో మొదలైన మంటలు క్షణాల్లోనే పక్కనున్న బోగీలకు వ్యాపించినట్లు ప్రత్యక్ష సాక్షులు తెలిపారు. దీంతో మొత్తం ఏడు బోగీలు అగ్నికి ఆహుతైనట్లు తెలుస్తోంది.
చూస్తుండగానే మంటలు ఇతర బోగీలకు వ్యాపించాయి. దీంతో రైలు బోగీలు పెద్ద ఎత్తున మంటల్లో చిక్కుకున్నాయి. బోగీల నుంచి మంటలు, పొగలు రావడాన్ని గమనించిన రైల్వే సిబ్బంది వెంటనే అలర్ట్ అయ్యారు. రైల్వే పోలీసులకు, అగ్నిమాపక శాఖకు సమాచారం అందించారు.
మంటలు మరిన్ని బోగీలకు వ్యాపించకుండా సిబ్బంది చర్యలు తీసుకున్నారు. ఈ ప్రమాదంలో ఎలాంటి ప్రాణనష్టం జరగలేదని.. ఎవరికీ గాయాలు కాలేదని రైల్వే అధికారులు స్పష్టం చేశారు. రైలు ఖాళీగా ఉండటంతో పెద్ద ప్రమాదం తప్పిందని తెలిపారు.
Comments (0)