SUV Snatched: గన్పాయింట్లో బెదిరించి.. ఎస్యూవీతో పరారీ.. సరిహద్దులో అలర్ట్

పఠాన్కోట్: గన్పాయింట్లో బెదిరించి ఓ ఎస్యూవీని ఎత్తుకెళ్లారు(SUV Snatched). ఈ ఘటన పఠాన్కోట్-జమ్మూ జాతీయ రహదారిపై జరిగింది. ఫుడ్ అండ్ షాపింగ్ కాంప్లెక్స్ ముందు ఈ ఘటన జరిగినట్లు తెలుస్తోంది. దీంతో పంజాబ్, జమ్మూకశ్మీర్, హిమాచల్ ప్రదేశ్ సరిహద్దుల్లో భద్రతను పెంచారు. ఆ వాహనాన్ని ఉగ్రదాడికి వాడుతారన్న అనుమానంతో భద్రతను కట్టుదిట్టం చేశారు. పోలీసుల కథనం ప్రకారం.. డ్రైవర్ ఛాతిలోకి ఓ వ్యక్తి పిస్తోల్ చూపి, మహేంద్ర ఎక్స్యూవీ500 వాహనంతో పరారీ అయ్యాడు. ఎస్పీ మన్ప్రీత్ సింగ్ ఈ విషయాన్ని కన్ఫర్మ్ చేశారు.
వెహికల్ను స్నాచింగ్ తర్వాత నిందితుడు పంజాబ్ దిశగా వెళ్లినట్లు తేల్చారు. గుర్తు తెలియని వ్యక్తిపై సుజన్పుర్ పోలీసులు కేసు రిజిస్టర్ చేయనున్నారు. ఈ ఘటనతో అప్రమత్తత ప్రకటించారు. 2015లో దీనానగర్లో మిలిటెంట్లు ఓ కారును హైజాక్ చేసి దాంతో పోలీసు స్టేషన్పై దాడి చేశారు. ఆ తర్వాత 2016లో పఠాన్కోట్లో వాహనాలను హైజాక్ చేసి ఉగ్రవాదులు దాడులకు పాల్పడిన విషయం తెలిసిందే. నిందితుడి కోసం తీవ్రంగా గాలిస్తున్నారు. డౌన్టౌన్ 44 షాపింగ్ మాల్కు తన భార్య , కుమార్తెతో కలిసి వెళ్లినట్లు బాధిత వ్యక్తి తెలిపారు.
Comments (0)