‘అర్హులకు పెన్షన్లు మంజూరు చేయాలి’

16 November 2026 - 19:00
0 0
‘అర్హులకు పెన్షన్లు మంజూరు చేయాలి’
'అర్హులకు పెన్షన్లు మంజూరు చేయాలి'

చుంచుపల్లి, నవంబర్ 16 : చుంచుపల్లి మండల పరిధిలోని గౌతంపూర్ గ్రామ పంచాయతీలో ఆసరా పెన్షన్ల మంజూరులో అర్హులకు అన్యాయం జరుగుతోందని పలువురు ఆవేదన వ్యక్తం చేస్తున్నారు. పెన్షన్ల కోసం వంద మందికి పైగా దరఖాస్తులు సమర్పించగా, కేవలం 15 మందికి మాత్రమే మంజూరు చేయడంపై అసంతృప్తి వ్యక్తం చేస్తూ సోమవారం గౌతమ్‌పూర్ ఎంపీడీవోకు స్థానిక బిజెపి నాయకులు సొప్పరి క్రాంతి, ప‌లువురు గౌతమ్‌పూర్ వాసులు వినతిపత్రం అందజేశారు. ముఖ్యంగా సదరం ధ్రువీకరణ పత్రాల్లో 80 నుండి 100 శాతం వైకల్యం ఉన్న దివ్యాంగులకు సైతం పెన్షన్లు మంజూరు కాకపోవడం బాధాకరమన్నారు. తీవ్ర వైకల్యంతో జీవనం సాగిస్తూ పెన్షన్లపై ఆధారపడాల్సిన వారికి కూడా ఆర్థిక భరోసా అందకపోవడం అన్యాయమని పేర్కొన్నారు. ప్రతి దరఖాస్తును పారదర్శకంగా పరిశీలించి, నిజమైన అర్హులను గుర్తించి పెన్షన్లు మంజూరు చేయాలని అధికారులను వారు కోరారు.

Comments (0)

User