గుజరాత్లో వాహనాలపై కుల చిహ్నాల నిషేధం

గాంధీనగర్: ప్రైవేట్ వాహనాలపై కులాన్ని తెలిపే పదాలు, చిహ్నాలు, గుర్తులు లేదా రాతలను ప్రదర్శించడాన్ని గుజరాత్ ప్రభుత్వం శుక్రవారం నిషేధించింది. ద్విచక్ర, త్రిచక్ర వాహనాలు, కార్లు, బస్సులు, ట్రక్లతోపాటు అన్ని ప్రైవేట్ వాహనాలకు ఈ నిబంధన వర్తించనున్నది. ఇందుకోసం గుజరాత్ మోటార్ వెహికిల్స్ రూల్స్, 1989ను సర్కార్ సవరించింది.
వాహనాలపై ప్రదర్శించే ప్రకటన పరికరాలు, బొమ్మలకు సంబంధించిన రూల్లో ప్రభుత్వం ‘కుల సూచికలు’ అనే పదాలను చేర్చింది. రూల్ 138లో కొత్తగా ఉప నిబంధన చేర్చింది. సాధారణ లేదా ప్రత్యేక ఉత్తర్వుల ద్వారా అనుమతించిన సందర్భాలు మినహా, ఏ ప్రైవేట్ వాహనంపైనా కులాన్ని గుర్తించే గుర్తు, బొమ్మ లేదా రాతను ప్రదర్శించరాదని పేర్కొంది.
Comments (0)