‘కాళోజీ ఆశయ సాధనకు కృషి చేయాలి’
తుంగతుర్తి, న‌వంబ‌ర్ 13 : తెలంగాణ యాసలో సామాజిక రచనలు చేసి ప్రజలను చైతన్య పరచిన ప్రజాకవి, సామాజిక ఉద్యమకారుడు కాళోజీ నారాయణరావు అని తుంగతుర్తి బీఆర్ఎస్ మండలాధ్య‌క్షుడు తాటికొండ సీతయ్య అన్నారు. శుక్రవారం తుంగతుర్తి మండల కేంద్రంలోని బీఆర్ఎస్ పార్టీ కార్యాలయంలో కాళోజీ నారాయణరావు వర్ధంతి సందర్భంగా ఆయన చిత్రపటానికి పూలమాల వేసి నివాళులర్పించారు. ఈ సందర్భంగా ఆయన మాట్లాడుతూ కాళోజీ నారాయణరావు తెలంగాణ ప్రజల కోసం తన జీవితాన్ని అంకితం చేసిన మహనీయుడు అని కొనియాడారు. ఆయన ఆశయ సాధనకు ప్రతి ఒక్కరూ కృషి చేయాలన్నారు. ఈ కార్యక్రమంలో బీఆర్ఎస్ జిల్లా నాయకుడు గుండగాని రాములుగౌడ్, మండల నాయకులు ఉప్పుల నాగమల్లు, తెడ్డు హరిబాబు, గుగులోతు హేమా నాయక్ పాల్గొన్నారు.
Comments (0)