కారేపల్లి ఎస్ఐగా రమేశ్‌ బాధ్యతలు స్వీకరణ
కారేపల్లి, న‌వంబ‌ర్ 09 : కారేపల్లి పోలీస్ స్టేషన్ నూతన ఎస్ఐగా వి.రమేశ్‌ సోమవారం బాధ్యతలు స్వీకరించారు. ఇప్పటివరకు ఖమ్మం టూ టౌన్ పోలీస్ స్టేషన్‌లో ఎస్ఐగా విధులు నిర్వహించిన ఆయన బదిలీపై కారేపల్లికి వచ్చారు. ఈ సందర్భంగా సింగరేణి సీఐ ఎన్.సాగర్‌ను మర్యాదపూర్వకంగా కలిసి విధుల్లో చేరారు. నూతన ఎస్ఐగా బాధ్యతలు చేపట్టిన రమేశ్‌కు పలువురు ప్రజాప్రతినిధులు, కాంగ్రెస్, బీఆర్ఎస్, ఇతర రాజకీయ పార్టీల నాయకులు, వివిధ సంఘాల నాయకులు, స్థానిక ప్రముఖులు శుభాకాంక్షలు తెలియజేశారు. కారేపల్లి మండలంలో శాంతిభద్రతల పరిరక్షణకు, ప్రజలకు మెరుగైన పోలీస్ సేవలు అందించేందుకు కృషి చేయ‌నున్న‌ట్లు ఎస్ఐ తెలిపారు.
Comments (0)