ఓడిన రేవంత్‌ నిరంకుశత్వం

16 November 2026 - 09:00
0 1
ఓడిన రేవంత్‌ నిరంకుశత్వం
Dasoju Sravan
  • ప్రభుత్వ మెడలు వంచి గెలిచిన పాలిటెక్నిక్‌ విద్యార్థులు
  • పోలీసు దాష్టీకాలపై ముఖ్యమంత్రి క్షమాపణ చెప్పాలి
  • బీఆర్‌ఎస్‌ ఎమ్మెల్సీ డాక్టర్‌ దాసోజు శ్రవణ్‌ డిమాండ్‌

హైదరాబాద్‌, నవంబర్‌ 15 (నమస్తే తెలంగాణ) : కాంగ్రెస్‌ ప్రభుత్వం తాజాగా జారీ చేసిన జీవో 157తో సీఎం రేవంత్‌రెడ్డి తెచ్చిన జీవో 97 తప్పు అని లిఖితపూర్వకంగా ఒప్పుకున్నట్టయిందని బీఆర్‌ఎస్‌ ఎమ్మెల్సీ డాక్టర్‌ దాసోజు శ్రవణ్‌ తెలిపారు. తెలంగాణ పాలిటెక్నిక్‌ విద్యార్థులు ప్రభుత్వ మెడలు వంచి గెలిచారని, సీఎం రేవంత్‌ నిరంకుశత్వం ఓడిందని పేర్కొన్నారు. జీవో 97 ద్వారా జరిగిన పోలీసు దాష్టీకాలపై ముఖ్యమంత్రి క్షమాపణ చెప్పాలని, విద్యార్థులు, అధ్యాపకులపై పెట్టిన అక్రమ కేసులను వెంటనే ఉపసంహరించాలని శనివారం ఒక ప్రకటనలో పేరొన్నారు.

పాలిటెక్నిక్‌ విద్యార్థులు, అధ్యాపకులు, తల్లిదండ్రులకు సీఎం, విద్యాశాఖ మంత్రి రేవంత్‌రెడ్డి బేషరతుగా బహిరంగ క్షమాపణ చెప్పాలని డిమాండ్‌ చేశారు. ఎస్‌బీటీఈటీ, టీజీ ఈసెట్‌ లేటరల్‌ ఎంట్రీ, ఫీజులు, సాలర్‌ షిప్పులు, ఫీజు రీయింబర్స్‌మెంట్‌, సిబ్బంది సేవా నిబంధనలు, పాలిటెక్నిక్‌ భూములు, ఆస్తుల రక్షణపై లిఖితపూర్వక హామీ ఇవ్వాలని అన్నారు. ఇంటర్మీడియట్‌ రద్దు ప్రక్రియను వెంటనే నిలిపివేయాలని, ఆ పదవికి తగిన సామర్థ్యం, ప్రజాస్వామ్య స్ఫూర్తి ఉన్న పూర్తికాల విద్యాశాఖ మంత్రిని నియమించాలని డిమాండ్‌ చేశారు.

Comments (0)

User