ఎన్విడియా సీఈవో జెన్సన్‌ రాజీనామా

• తాత్కాలిక సీఈవోగా కోలెట్‌ క్రెస్‌ నియామకం

న్యూఢిల్లీ, నవంబర్‌ 12: చైనా నిఘా సంస్థలతో సంబంధాలు ఉన్నాయని ఆమెరికా అధికారులు అనుమానిస్తున్న ఒక మహిళతో వివాహేతర సంబంధంపై విచారణ జరుగుతున్న నేపథ్యంలో ఎన్విడియా నీఈవో జెన్సన్‌ మువాంగ్‌ తన ప్రెసిడెంట్‌, చీఫ్‌ ఎగ్జిక్యూటివ్‌ ఆఫీసర్‌, బోర్డు సభ్యత్వ పదవులకు తక్షణమే రాజీనామా చేసినట్టు కంపెనీ బోర్డు గురువారం ప్రకటించింది. తాత్కాలిక సీఈవోగా ఎన్విడియా ఎగ్జిక్యూటివ్‌ వైస్‌ ప్రెసిడెంట్‌, చీఫ్‌ ఫైనాన్షియల్‌ ఆఫీసర్‌ కోలెట్‌ క్రెస్‌ను బోర్డు నియమించింది.

శాశ్వత సీఈవో నియామకం జరిగేవరకు ఆమె సీఈవోగా కొనసాగుతారు. హువాంగ్‌కు నేరుగా రిపోర్ట్‌ చేసే ఎన్విడియా హెల్త్‌కేర్‌ వైస్‌ ప్రెసిడెంట్‌ కింబర్లీ పావెల్‌తో రెండవ వివాహేతర సంబంధం ఉన్నట్టు వార్తలు వెలువడడంతో బుధవారం ఈ కుంభకోణం మరింతగా ముదిరింది. ఎన్విడియా సహ-వ్యవస్థాపకుడైన హువాంగ్‌ సుమారు 3.61 శాతం వాటాతో ఆ సంస్థలో నాలుగవ అతిపెద్ద పెట్టుబడిదారుగా ఉన్నారు.

ఎన్విడియా షేర్లు 13 శాతానికి పైగా పడిపోవడంతో కంపెనీ మార్కెట్‌ విలువ సుమారు 50,000 కోట్ల డాలర్లు తగ్గే పరిస్థితి ఏర్పడింది. అంతేగాకుండా దీని ప్రభావంతో ప్రపంచవ్యాప్తంగా కృత్రిమ మేధ(ఏఐ) రంగానికి సంబంధించిన షేర్లు కూడా పతనమయ్యాయి. ఈ నేపథ్యంలో ఒక శాశ్వత సీఈవో కోసం కంపెనీ బోర్డు అన్వేషణను ప్రారంభించింది. ఈ ప్రక్రియలో అంతర్గత, వెలుపలి అభ్యర్థులు ఇద్దరినీ పరిగణనలోకి తీసుకుంటుంది.

జెన్సన్‌ను నియమించుకోవడం గౌరవప్రదం ; మస్క్‌

జెన్సన్‌ ను నియమించుకోవడం గౌరవప్రదమని టెస్లా అధిపతి ఎలాన్‌ మస్క్‌ అన్నారు. జెన్సన్‌ను తొలగిస్తారనే వార్తలతో ఓ యూజర్‌ “ఎలాన్‌, దయచేసి జెన్సన్‌కు ఉద్యోగం ఇవ్వండి” అని పోస్టు పెట్టాడు. మస్క్‌ స్పందిస్తూ, “అది గౌరవప్రదం” అని బదులిచ్చారు.

టెక్‌ ఆంక్షలు విధించేందుకే గూఢచర్య ఆరోపణలు

అమెరికాపై చైనా తీవ్ర విమర్శలు

బీజింగ్‌ : తమపై టెక్‌ ఆంక్షలు విధించడానికే అమెరికా గూఢచర్య ఆరోపణలు చేస్తున్నదని చైనా ఆగ్రహం వ్యక్తం చేసింది. ఎన్విడియా సీఈవో జెన్సన్‌ హువాంగ్‌పై చైనా గూఢచర్య కార్యకలాపాలు సాగించిందన్న ఆరోపణల నేపథ్యంలో ఏఐ చిప్‌లు, జాతీయ భద్రత అంశాలు తీవ్ర వివాదాస్పదం అయ్యాయి. ఈ వివాదంపై చైనా విదేశాంగ అధికార ప్రతినిధి మావో నింగ్‌ మాట్లాడుతూ చైనా టెక్నాలజీ అభివృద్ధిని అడ్డుకునేందుకు ఇలాంటి కథనాలను వ్యాప్తి చేయొద్దని అమెరికాను కోరారు. చైనా సాంకేతికత స్వతంత్ర ఆవిష్కరణలతో సాగుతున్నదని.. తమపై దిగ్బంధం విధించేందుకు అమెరికా ప్రయత్నిస్తున్నదని మావో ఆరోపించారు.