ఆస్ట్రేలియాలో ‘తెలంగాణ భవన్’ నిర్మాణానికి శ్రీకారం

- తెలంగాణ కల్చరల్ సెంటర్ సంస్థ వ్యవస్థాపకుడు అనిల్ బైరెడ్డి
హైదరాబాద్, నవంబర్ 20 (నమస్తే తెలంగాణ) : ఆస్ట్రేలియాలో నివసిస్తున్న తెలంగాణ ప్రవాసుల కోసం ప్రత్యేకంగా ‘తెలంగాణ భవన్’ నిర్మాణానికి శ్రీకారం చుట్టినట్టు తెలంగాణ కల్చరల్ సెంటర్ సంస్థ వ్యవస్థాపకుడు అనిల్ బైరెడ్డి తెలిపారు. ఈ మేరకు శుక్రవారం ప్రకటన విడుదల చేసి మాట్లాడుతూ..
తెలంగాణ రాష్ట్ర సంస్కృతి, సాంప్రదాయాలను ఆస్ట్రేలియాలో కాపాడేందుకు ఈ భవనం ఎంతో దోహదపడుతుందని పేర్కొన్నారు. మన రాష్ట్ర బిడ్డలందరికీ ఉమ్మడి వేదికగా ‘తెలంగాణ భవన్’ నిలుస్తుందని, భావితరాలకు మన మూలాలను అందించేందుకు ముఖ్య కేంద్రంగా మారుతుందని ఆశాభావం వ్యక్తంచేశారు.
Comments (0)