అపజయాలే పాఠాలు

ఏదోఒక మాధ్యమం ద్వారా ఎప్పుడూ అభిమానులకు చేరువగా ఉంటారు నటి సమంత. తాజాగా ఓ షోలో పాల్గొన్న ఆమె వ్యాపారంలో విఫలమైన అనుభవాలను గుర్తుచేసుకున్నారు. ఆమె మాట్లాడుతూ ‘విజయాలకంటే అపజయాలే ఎక్కువ పాఠాలు నేర్పిస్తాయి. నా జీవితంలో నేను నేర్చుకున్న పాఠాలన్నీ వైఫల్యాల నుంచే. విజయాలు నాకు నేర్పిందేం లేదు. నా తొలి వ్యాపారం భాగస్వామ్యం నష్టాలనే తెచ్చిపెట్టింది.

అయితే.. ఆ వైఫల్యం మంచికే జరిగిందని నేను భావిస్తా. ఆ నష్టం నాకు ఓ పాఠాన్ని నేర్పింది’ అంటూ గుర్తు చేసుకున్నారు సమంత. వ్యాపారాల్లో పెట్టుబడులు పెట్టేందుకు మహిళలు ఎక్కువగా భయపడుతుంటారు. కానీ అది కరెక్ట్‌ కాదు. నా వరకూ నేను దాదాపు 8 నుంచి 10 వ్యాపార సంస్థల్లో పెట్టుబడులు పెట్టాను. వాటిలో ఎనిమిది సంస్థలకు మహిళలే వ్యవస్థాపకులు కావడం విశేషం. మహిళా పారిశ్రామికవేత్తలతో కలిసి పనిచేయడం ఓ కొత్త అనుభవం’ అంటూ చెప్పుకొచ్చారు సమంత.