82,720 గ్రామాల్లో భూముల రీసర్వే: పొంగులేటి
హైదరాబాద్‌, నవంబర్‌ 10 (నమస్తేతెలంగాణ): రాష్ట్రంలో మొత్తం 2,720 గ్రామాల్లో భూముల సమగ్ర రీసర్వే నిర్వహిస్తున్నట్టు రాష్ట్ర రెవెన్యూ శాఖ మంత్రి పొంగులేటి శ్రీనివాసరెడ్డి వెల్లడించారు. రాష్ట్రవ్యాప్తంగా మొత్తం 10,954 రెవెన్యూ గ్రామాలు ఉండగా, తొలి దశలో హైదరాబాద్‌ మినహా మిగిలిన 32 జిల్లాల్లో ఒక్కో జిల్లాలో 70 గ్రామాల చొప్పున ఎంపిక చేసి, నక్షాలు అందుబాటులో లేని గ్రామాలను కూడా కలుపుకొని ఈ సర్వే చేపట్టినట్టు తెలిపారు.
ఇప్పటివరకు 1,000 గ్రామాల్లో రీసర్వే మైలురాయిని దాటగా, 416 గ్రామాల్లో సర్వే ప్రక్రియ పూర్తయిందని తెలిపారు. రాష్ట్రవ్యాప్తంగా కొనసాగుతున్న భూసర్వే పురోగతిపై మంగళవారం సచివాలయంలో రెవెన్యూ ఉన్నతాధికారులతో మంత్రి సుదీర్ఘ సమీక్ష నిర్వహించారు.
Comments (0)