Vakiti Srihari | తాగేందుకు, వంట‌కూ రూ.20 ఫిల్ట‌ర్ డ‌బ్బా నీళ్లే.. మంత్రి వాకిటి శ్రీహ‌రి ఇలాఖాలో నీటి క‌ష్టాల‌పై మ‌హిళ‌.. వీడియో

Vakiti Srihari | కాంగ్రెస్ స‌ర్కార్ పాల‌న‌లో ఓ వైపు సాగునీరంద‌క రాష్ట్ర‌వ్యాప్తంగా పంట‌లు ఎండిపోతున్న దృశ్యాలు సోష‌ల్ మీడియాలో చూస్తూనే ఉన్నాం. మ‌రోవైపు తాగు నీటి కోసం కూడా ఇబ్బందులు త‌ప్ప‌డం లేదు. తాగు నీరు అంద‌క పలు ప్రాంతాల్లో జ‌నాలు అల్లాడిపోతున్నారు. ఖాళీ బిందెల‌తో రోడ్డెక్కి ఆందోళ‌న చేప‌డుతున్నారు.

కాంగ్రెస్ ప్ర‌జాప్రతినిధుల ఇలాఖాలో కూడా తాగు నీటి క‌ష్టాల‌ను పట్టించుకునే నాథుడు లేడంటే ప‌రిపాల‌న ఎలా ఉందో అర్థం చేసుకోవ‌చ్చు. ఇప్ప‌టికే ప‌లు జిల్లాల్లో తాగు నీటి నిర‌స‌న‌లు కొన‌సాగుతుండ‌గా.. తాజాగా మంత్రి వాకిటి శ్రీహరి ప్రాతినిథ్యం వ‌హిస్తున్న ఏరియాలో ప్ర‌జ‌లు గుక్కెడె తాగునీటి కోసం రోడ్డెక్కాల్సిన ప‌రిస్థితి వ‌చ్చింది. మక్తల్ మున్సిపాలిటీ పరిధిలో కొద్ది రోజులుగా తాగునీళ్లు రావడం లేదంటూ జ‌నాలు ఆందోళ‌న బాట ప‌ట్టారు.

కాల‌నీల్లో కొన్ని రోజులుగా క‌నీసం తాగు నీరు రావడం లేదంటూ నందిని నగర్ కాలనీ వాసులు మక్తల్–కర్ణి రహదారిపై బైఠాయించారు. దీనికి సంబంధించిన వీడియో రేవంత్ స‌ర్కార్‌లో తాగునీటి క‌ష్టాలు ఎలా ఉన్నాయో మ‌రోసారి చెప్ప‌క‌నే చెబుతోంది.

ఓటేయించుకుని ఇటువైపు రావ‌డం లేదు..

నిర‌స‌న‌లో పాల్గొన్న ఓ మ‌హిళ మాట్లాడుతూ..నీళ్లు రాక‌పోవ‌డంతో వంట చేయ‌లేక రోడ్డుపై వ‌చ్చి కూర్చున్నాం.. మాకు నీళ్లు కావాలే.. నీళ్లు లేకుంటే వంట చేసే ప‌రిస్థితి లేదు.. ఎన్ని దినాలాయే.. 20 రూపాయ‌ల ఫిల్ట‌ర్ నీళ్ల డ‌బ్బా తెచ్చుకుంటున్నం.. తాగేందుకు అవే.. వంట చేసేందుకు అవే.. లీడ‌ర్లు ఓట్లపుడు మా ద‌గ్గ‌ర‌కు రాకుంటే ఇంట్ల‌నే ఉండేవాళ్లం.. ఏదో ఒక ఆశ చెప్పి ఓటేయించుకుని ఇటువైపు రావ‌డం లేదు.. మాకు నీళ్లు కావాలే.. మాకు చేసుకోవ‌డానికి ప‌నులు కూడా లేవని వాపోయింది.

మేం అది చేస్తం.. ఇది చేపిస్తమ‌ని చెప్పి ఓట్లేయించుకున్న‌రు.. మేం ఆఫీసుల చుట్టూ తిరిగినా మ‌మ్మ‌ల్ని ఎవ‌రూ ప‌ట్టించుకోవ‌డం లేదు.. 2 నెలల నుంచి మాకు స‌రిగ్గా నీళ్లే లేవు.. ఎన్ని రోజులు ఇలా మోసుకోవాలి మేము అంటూ మ‌రో మహిళ ఆవేద‌న వ్య‌క్తం చేసింది.

మంత్రి వాకిటి శ్రీహరి ఇలాకాలో తాగునీటి కోసం రోడ్డెక్కిన ప్రజలు

మక్తల్ మున్సిపాలిటీ పరిధిలో గత కొద్ది రోజులుగా తాగునీళ్లు రావడం లేదని మక్తల్–కర్ణి రహదారిపై బైఠాయించిన నందిని నగర్ కాలనీ వాసులు https://t.co/VUHgR2D9r6

— Telugu Scribe (@TeluguScribe) November 12, 2026

Read Also :

Ramayana Box Office | బాక్సాఫీస్ వద్ద ‘రామాయణం’ సునామీ.. వారం రోజుల్లోనే రూ.934 కోట్ల వసూళ్లు!

భోజనం చేద్దామన్న‌ఎమ్మెల్యే బీర్ల ఐలయ్య.. ధాన్యం కొంటే చాలు..! నేనే 10 మందికి పెడతానని రైతు స‌మాధానం : వీడియో

RSS Chief Mohan Bhagwat: ఒక‌ప్పుడు క్రాక‌ర్స్‌తో గాలి శుభ్ర‌మ‌య్యేది: ఆర్ఎస్ఎస్ చీఫ్‌