Trainee Aircraft Skids Off Runway | రన్‌వే నుంచి పక్కకు జారిన శిక్షణ విమానం.. ట్రైనీ పైలట్‌కు తప్పిన ప్రమాదం

ముంబై: ఒక శిక్షణ విమానం రన్‌వే నుంచి పక్కకు జారింది. రన్‌వే పక్కన ఉన్న నేలలో అది ఇరుక్కుపోయింది. అందులో ఉన్న మహిళా ట్రైనీ పైలట్‌ సురక్షితంగా బయటపడ్డారు. మహారాష్ట్రలోని సోలాపూర్ విమానాశ్రయంలో ఈ సంఘటన జరిగింది. (Trainee Aircraft Skids Off Runway) గురువారం ఒక ఏవియేషన్ ట్రైనింగ్ అకాడమీకి చెందిన ట్రైనీ ఎయిర్‌క్రాఫ్ట్‌ను ఒక ట్రైనీ మహిళా పైలట్‌ ఒంటరిగా నడిపేందుకు ప్రయత్నించారు. అయితే టేకాఫ్‌ సమయంలో అది అదుపుతప్పింది. రన్‌వే పైనుంచి పక్కకు జారింది. ఆ చిన్న శిక్షణ విమానం ముందు భాగం అక్కడి నేలలో ఒక కోణంలో ఇరుక్కుపోయింది.

కాగా, ఫైర్‌, రెస్క్యూ సిబ్బంది వెంటనే అక్కడకు చేరుకున్నారు. ఆ శిక్షణ విమానంలో ఉన్న మహిళా ట్రైనీ పైలట్‌ను సురక్షితంగా బయటకు తీశారు. పైలట్‌ విద్యార్థిని సోలో ఫ్లైట్‌కు ప్రయత్నించినప్పుడు ఈ సంఘటన జరిగినట్లు ఆ ఏవియేషన్ ట్రైనింగ్ అకాడమీకి చెందిన అధికారి తెలిపారు. అయితే ఎలాంటి ప్రాణ నష్టం జరుగలేదని వివరించారు. ఈ ప్రమాదంపై దర్యాప్తు చేస్తున్నట్లు వెల్లడించారు.

Solapur – A trainer aircraft skidded off the runway during take-off at Solapur Airport. Preliminary reports indicate that a female trainee pilot was operating the aircraft at the time of the incident and escaped completely unhurt. Visuals from the scene show the aircraft nosed over on the airport runway following the skid.

— NextMinute News (@nextminutenews7) November 12, 2026