Tharun Bhascker | నా కొడుకుకి ఒకరున్నారనే ధైర్యం వచ్చింది.. తరుణ్-ఈషా రిలేషన్పై తల్లి గీతా భాస్కర్ భావోద్వేగం!

Geetha Bhascker | ‘ఈఎన్ఈ రిపీట్’ (Ee Nagaraniki Emaindi) ప్రీ-రిలీజ్ ఈవెంట్లో దర్శకుడు, నటుడు తరుణ్ భాస్కర్ తల్లి, నటి గీతా భాస్కర్ చేసిన వ్యాఖ్యలు ప్రస్తుతం టాలీవుడ్లో హాట్ టాపిక్గా మారాయి. తన కొడుకు జీవితంలో ఒక ప్రత్యేక వ్యక్తి తోడుగా ఉన్నారని ఆమె పరోక్షంగా స్పష్టం చేయడం విశేషం.
గత రెండేళ్లుగా తరుణ్ భాస్కర్ ఇల్లు కట్టుకోవడం, కోర్టు కేసులు మరియు ఇతర వ్యక్తిగత, వృత్తిపరమైన సవాళ్లతో తీవ్రమైన మానసిక ఒత్తిడిని ఎదుర్కొన్నాడని గీతా భాస్కర్ తెలిపారు. ఆ కష్టకాలంలో అర్ధరాత్రి లేదా తెల్లవారుజామున ఇంటికి వచ్చినా చూసుకోవడానికి ఎవరూ లేరని, వయసురీత్యా తాను వృద్ధురాలైపోతున్నానని, తన తర్వాత తరుణ్ను చూసుకోవడానికి ఒక మంచి తోడు ఉంటే బాగుంటుందని తాను ఎప్పుడూ ఆందోళన చెందేదానని ఆమె భావోద్వేగానికి గురయ్యారు.
అయితే, ఆ కష్ట సమయాల్లో హీరోయిన్ ఈషా రెబ్బా తన కొడుకు తరుణ్కు ఎంతో అండగా నిలిచిందని, అతనికి తగిన తోడుగా ఉంటూ అన్ని విధాలా మద్దతునిచ్చిందని ఆమె వెల్లడించారు. ఆమె రూపంలో తరుణ్కు ఒక మంచి సోల్మేట్ దొరికారని, ఇప్పుడు తన కొడుకుకి తోడుగా ఒకరున్నారనే భరోసా, మనశ్శాంతి తనకు కలిగాయని గీతా భాస్కర్ సంతోషం వ్యక్తం చేశారు. తరుణ్ భాస్కర్, ఈషా రెబ్బా రిలేషన్షిప్పై తల్లే స్వయంగా ఈ వ్యాఖ్యలు చేయడంతో, వీరిద్దరి మధ్య బంధంపై వస్తున్న వార్తలు నిజమేనని స్పష్టమవ్వడమే కాకుండా, త్వరలోనే వీరు పెళ్లి పీటలెక్కబోతున్నారంటూ సోషల్ మీడియాలో జోరుగా ప్రచారం జరుగుతోంది.
Comments (0)