Student Missing | సిర్గాపూర్‌ ఎస్టీ గురుకులంలో పదో తరగతి విద్యార్థిని అదృశ్యం!

15 November 2026 - 15:00
0 0
Student Missing | సిర్గాపూర్‌ ఎస్టీ గురుకులంలో పదో తరగతి విద్యార్థిని అదృశ్యం!
Sirgapur St Girls Residenti

Student Missing |సిర్గాపూర్, నవంబర్ 14: సంగారెడ్డి జిల్లా సిర్గాపూర్‌ మండల కేంద్రంలోని ఎస్టీ గురుకుల పాఠశాలలో పదో తరగతి చదువుతున్న విద్యార్థిని అదృశ్యం కావడం కలకలం రేపింది. శనివారం పాఠశాల ఆవరణ నుంచి ఆమె అకస్మాత్తుగా కనిపించకుండా పోయింది. దీంతో ప్రిన్సిపాల్‌, ఉపాధ్యాయులు, హాస్టల్‌ సిబ్బంది, తోటి విద్యార్థుల్లో ఆందోళన నెలకొంది.

విద్యార్థిని కనిపించకపోవడాన్ని గుర్తించిన పాఠశాల సిబ్బంది వెంటనే అప్రమత్తమయ్యారు. పాఠశాల పరిసర ప్రాంతాల్లో విస్తృతంగా గాలింపు చేపట్టారు. అయినప్పటికీ ఆమె ఆచూకీ లభించలేదు. దీంతో ప్రిన్సిపాల్‌ స్థానిక పోలీసులకు ఫిర్యాదు చేశారు.

ప్రిన్సిపాల్ ఫిర్యాదు మేరకు కేసు నమోదు చేసిన పోలీసులు దర్యాప్తు చేపట్టారు. విద్యార్థిని ఎక్కడికి వెళ్లింది? ఎలా అదృశ్యమైంది? అనే కోణాల్లో ఆరా తీస్తూ ఆమె ఆచూకీ కోసం గాలిస్తున్నారు.

Comments (0)

User