Sridhar Babu : కర్ణాటకతో మాకు పోటీ లేదు.. తెలంగాణకు ప్రత్యేక బలాలున్నాయి!
ఐటీ రంగంలో కర్ణాటకతో తెలంగాణ పోటీ పడటం లేదని రాష్ట్ర ఐటీ శాఖ మంత్రి దుద్దిళ్ల శ్రీధర్ బాబు స్పష్టం చేశారు. ప్రతి రాష్ట్రానికి వ్యాపార రంగంలో తనకంటూ ప్రత్యేక బలాలు, అవకాశాలు ఉంటాయని తెలిపారు. కర్ణాటక టెక్నాలజీ రంగంలో ముందుగానే అభివృద్ధి సాధించిందని గుర్తు చేస్తూ.. పొరుగు రాష్ట్రం మరింత అభివృద్ధి చెందాలని ఆకాంక్షించారు. తెలంగాణలో ప్రతిభావంతులైన యువత, ఆవిష్కరణలకు ప్రోత్సాహం, ఇంక్యుబేషన్ సదుపాయాలు ఉన్నాయని చెప్పారు. ఆర్టిఫిషియల్ ఇంటెలిజెన్స్, డీప్ టెక్నాలజీ వంటి రంగాలు వేగంగా అభివృద్ధి చెందుతున్న నేపథ్యంలో ఉద్యోగులు కొత్త నైపుణ్యాలను నేర్చుకోవాలని సూచించారు.
Comments (0)