Spurious Liquor | మ‌ణిపూర్ క‌ల్తీ మ‌ద్యం దుర్ఘ‌ట‌న‌.. 13కు పెరిగిన మృతుల సంఖ్య‌.. ఆస్ప‌త్రుల్లో 300 మంది..!

21 November 2026 - 21:09
0 0
Spurious Liquor | మ‌ణిపూర్ క‌ల్తీ మ‌ద్యం దుర్ఘ‌ట‌న‌.. 13కు పెరిగిన మృతుల సంఖ్య‌.. ఆస్ప‌త్రుల్లో 300 మంది..!
Spurious Liquer Manipur

Spurious Liquor : మణిపూర్‌ (Manipur) లోని చందేల్ జిల్లా (Chandel district) లో కల్తీ మద్యం (Spurious Liquor) తాగి అస్వ‌స్థ‌త‌కు గురైన‌ వారిలో మ‌రో ఇద్ద‌రు మ‌ర‌ణించారు. దాంతో మృతుల సంఖ్య (Death toll) 13కు పెరిగింది. నవంబర్ 18 నుంచి ఇప్పటివరకు క‌ల్తీ మ‌ద్యం కార‌ణంగా అనారోగ్యంపాలై మ‌ర‌ణించిన వారి సంఖ్య కూడా 300కు పెరిగింది. వారంతా వివిధ ఆస్ప‌త్రుల్లో చికిత్స పొందుతున్నారు. బాధితుల్లో ఎక్కువ మంది నుంగ్‌పన్, చక్‌పికరోంగ్ గ్రామాలు, వాటి సమీప ప్రాంతాలకు చెందినవారు ఉన్నార‌ని అధికారులు తెలిపారు.

అధికారులు వెల్ల‌డించిన వివరాల ప్రకారం.. నవంబర్ 18న‌ రాత్రి నుంగ్‌పాన్ గ్రామంలో హ్రాంగ్‌బుంగ్ బెరుంగ్ అనల్ అనే 50 ఏళ్ల వ్యక్తి మరణంతో ఈ క‌ల్తీ మ‌ద్యం మ‌ర‌ణాలు మొద‌ల‌య్యాయి. ఆ తర్వాత గురు, శుక్రవారాల్లో చందేల్ జిల్లాలోని వివిధ గ్రామాల్లో మరో 12 మంది మరణించారు. ఈ నేప‌థ్యంలో ముందుజాగ్రత్తగా చందేల్ జిల్లా యంత్రాంగం ప్రజారోగ్యం, భద్రత దృష్ట్యా ఏడు అంశాలతో కూడిన సూచనలను చేసింది. తదుపరి ఆదేశాలు వచ్చే వరకు స్థానికంగా తయారైన మద్యం తాగ‌వ‌ద్ద‌ని ప్రజలను కోరింది.

మద్యపానం తర్వాత తీవ్ర ఆరోగ్య సమస్యలకు దారితీసే లక్షణాలను నిర్లక్ష్యం చేయవద్దని హెచ్చరించారు. మద్యం సేవించిన తర్వాత వాంతులు, కడుపు నొప్పి, తలనొప్పి, మైకం, చూపు మసకబారడం, శ్వాస తీసుకోవడంలో ఇబ్బంది లేదా ఇతర అసాధారణ లక్షణాలు కనిపిస్తే వెంటనే సమీపంలోని ఆరోగ్య కేంద్రానికి వెళ్లి వైద్య సహాయం పొందాలని సూచించారు. ఈ మరణాలకు క‌చ్చిత‌మైన కారణాన్ని కనుగొనేందుకు వైద్యపరమైన, శాస్త్రీయ పరీక్షలు నిర్వహిస్తున్నట్లు తెలిపారు. మ‌ణిపూర్ సీఎం ఈ ఘ‌ట‌న‌పై విచార‌ణ‌కు ఆదేశించారు.

Comments (0)

User