Seethakka : మహిళల ఆర్థిక స్వావలంబనే లక్ష్యం!
తెలంగాణలో మహిళా సాధికారత మరియు ఆర్థిక స్వావలంబనకు రేవంత్ రెడ్డి ప్రభుత్వం పెద్దపీట వేస్తోందని పంచాయతీ రాజ్, గ్రామీణాభివృద్ధి మరియు స్త్రీ శిశు సంక్షేమ శాఖ మంత్రి దనసరి అనసూయ (సీతక్క) తెలిపారు. ఒంటరి మహిళలతో పాటు అర్హులైన లబ్ధిదారులకు కొత్త పింఛన్లు మంజూరు చేయడంతో పాటు, వారి ఎంపిక బాధ్యతను మహిళా సంఘాలకే అప్పగించామని స్పష్టం చేశారు. వృద్ధులు, బాలికలు మరియు దివ్యాంగుల కోసం ప్రత్యేక సంఘాల ఏర్పాటుతో పాటు, ఇందిరమ్మ ఇళ్ల నిర్మాణానికి మహిళా సంఘాల సభ్యులకు రూ. 50 వేల నుండి లక్ష రూపాయల వరకు రుణ సదుపాయం కల్పిస్తున్నట్లు వివరించారు.
Comments (0)