Samantha Ruth Prabhu | ‘మాతృ శిశు మంగళ ఆశీర్వాదం’.. వైర‌ల‌వుతున్న సమంత సంప్రదాయ వేడుక

19 November 2026 - 20:00
0 0
Samantha Ruth Prabhu | ‘మాతృ శిశు మంగళ ఆశీర్వాదం’.. వైర‌ల‌వుతున్న సమంత సంప్రదాయ వేడుక
Samantha

త్వరలో తల్లి కాబోతున్న నటి సమంత రూత్ ప్రభు ఇంట్లో ఘనంగా జరిగిన ప్రత్యేక వేడుకకు సంబంధించిన ఫోటోలు, వీడియోలు ప్రస్తుతం సోషల్ మీడియాలో తెగ వైరల్ అవుతున్నాయి. భర్త, దర్శకుడు రాజ్ నిడిమోరు మరియు ఇరు కుటుంబ సభ్యుల సమక్షంలో అత్యంత సాంప్రదాయబద్ధంగా ఈ వేడుకను నిర్వహించారు. రాజ్ నిడిమోరు సోదరి శీతల్ నిడిమోరు సోషల్ మీడియా వేదికగా ఈ వేడుక వివరాలను పంచుకున్నారు. తమ కుటుంబ సంప్రదాయం ప్రకారం ‘మాతృ శిశు మంగళ ఆశీర్వాదం’ కార్యక్రమాన్ని ఘనంగా నిర్వహించినట్లు ఆమె తెలిపారు. ఈ వేడుకలో భాగంగా శ్రీసూక్తం, గాయత్రీ దేవి హోమం నిర్వహించడంతో పాటు 21 సార్లు గాయత్రీ మంత్రాన్ని జపించారు. సమంత మరియు పుట్టబోయే బిడ్డ ఆయురారోగ్యాలతో క్షేమంగా ఉండాలని ఇరు కుటుంబాల పెద్దలు మనసారా ఆశీర్వదించారు.

ఈ వేడుక కోసం కుటుంబ సభ్యులు ప్రత్యేకంగా ఒక పాటను కూడా రూపొందించారు. “బుజ్జాయి నువ్వు పుట్టక ముందే ఎంత ప్రేమను ఒక చోట చేర్చావో చూడు” అంటూ శీతల్ పంచుకున్న భావోద్వేగ పోస్ట్ అభిమానులను విశేషంగా ఆకట్టుకుంటోంది.

ఈ వేడుకలో సమంత ఎరుపు రంగు అనార్కలీ కుర్తా సెట్‌లో ప్రెగ్నెన్సీ గ్లోతో ఎంతో అందంగా కనిపించగా, రాజ్ నిడిమోరు క్రీమ్ కలర్ కుర్తా, వైట్ పైజామాలో మెరిశారు. అలాగే తన తల్లి నినెట్ ప్రభుతో పాటు రెండు కుటుంబాల మహిళలతో కలిసి దిగిన ఫోటోలను సమంత మా ప్రపంచం అనే క్యాప్షన్‌తో పంచుకున్నారు.

2025 డిసెంబర్ 1న కోయంబత్తూరులోని ఈషా యోగా సెంటర్‌లో లింగ భైరవి ఆలయంలో సమంత, రాజ్ నిడిమోరు వివాహం చేసుకున్నారు. ఈ జంట 2026 డిసెంబర్‌లో తమ మొదటి బిడ్డకు స్వాగతం పలకబోతున్నారు. అంతకుముందు సెప్టెంబర్‌లో కూడా వీరు శ్రీవిద్య సంప్రదాయంలోని కళా ఆవరణ పద్ధతిలో మరో సీమంతం వేడుకను జరుపుకున్నారు. ప్రస్తుతం మెటర్నిటీ బ్రేక్‌లో ఉన్న సమంత, బిడ్డకు జన్మనిచ్చిన తర్వాత మళ్లీ సినిమాలతో బిజీ కానున్నారు.

Comments (0)

User