‘వ్యక్తిగత వ్యాపారాలతో ఆర్ధికాభివృద్ధి సాధించాలి’

– సెర్ప్ భద్రాద్రి కొత్తగూడెం జిల్లా ప్రాజెక్ట్ మేనేజర్ సమ్మక్క
కరకగూడెం, నవంబర్ 19 : స్వయం సహాయక సంఘాల సభ్యులు వ్యక్తిగత రుణాలను సద్వినియోగం చేసుకుని స్వయం ఉపాధి వ్యాపారులు ప్రారంభించి ఆర్ధికాభివృద్ధి సాధించాలని సెర్ప్ భద్రాద్రి జిల్లా ప్రాజెక్ట్ మేనేజర్ సమ్మక్క అన్నారు. గురువారం కరకగూడెం మండల కేంద్రంలోని స్వయం శక్తి మండల సమాఖ్య కార్యాలయంలో గ్రామ సమాఖ్య సహాయకులు, వీవోఎలకు ఒక్కరోజు శిక్షణ కార్యక్రమాన్ని ప్రారంభించి ఆమె మట్లాడారు. కుటుంబాల్లో పేదరికాన్ని తగ్గించేందుకు మహిళ స్వయం ఉపాధి మార్గాలను అనుసరించాలన్నారు. మండలంలోని 27 గ్రామ సమాఖ్యల పరిధిలో 270 వ్యక్తిగత ఎంటర్ ప్రైజెస్ వ్యాపారులు స్థాపించడమే లక్ష్యంగా నిర్ణయించినట్లు ఆమె తెలిపారు.
అర్హులైన లబ్ధిదారులు ఈ నెలాఖరు వరకు ప్రతిపాదనలు సిద్ధం చేసి రుణాలు మంజూరు చేయించుకోవాలని సూచించారు. అనంతరం వ్యక్తిగత ఎంటర్ ప్రైజెస్ స్థాపనకు బ్యాంకుల ద్వారా రుణాలు పొందే విధానం, ఆన్లైన్ దరఖాస్తుల తయారీపై జిల్లా రిసోర్స్ పర్సన్ బండ్ల మధు శిక్షణ ఇచ్చారు. ఈ కార్యక్రమంలో సెర్ప్ మండల ఏపీఏం బండి వినోద్ క్రాంతి, శ్రీనిధి ఆర్ఎమ్ వెంకన్న, మండల సమాఖ్య అధ్యక్షురాలు సరస్వతి, సీసీ సత్యనారాయణ, వీవోఏలు పాల్గొన్నారు.
Comments (0)