Inter Exams schedule | రాష్ట్రంలో ఇంటర్ పరీక్షల షెడ్యూల్ విడుదల..!

Inter Exams schedule : రాష్ట్రంలో ఇంటర్ పరీక్షలకు సంబంధించిన షెడ్యూల్ విడుదలైంది. 2027 ఫిబ్రవరి 24 నుంచి మార్చి 20 వరకు ఇంటర్ పరీక్షలు జరగనున్నాయి. ఈ మేరకు బోర్డ్ ఆఫ్ ఇంటర్మీడియట్ ఒక ప్రకటన చేసింది. జనరల్, ఒకేషనల్ విద్యార్థులకు రోజూ ఉదయం 9 గంటల నుంచి మధ్యాహ్నం 12 గంటల వరకు పరీక్షలు జరుగుతాయని తెలంగాణ ఇంటర్ బోర్డు తన ప్రకటనలో పేర్కొన్నది.
ఫిబ్రవరి 24 నుంచి ఇంటర్ ఫస్టియర్, ఫిబ్రవరి 25 నుంచి ద్వితీయ ఇంటర్ పరీక్షలు ప్రారంభమవుతాయని ఇంటర్ బోర్డు స్పష్టంచేసింది. ప్రాక్టికల్ పరీక్షలు ఫిబ్రవరి 1 నుంచి 10 వరకు జరుగుతాయి. ఫస్టియర్ సైన్స్ సబ్జెక్టులకు (కొత్త ప్యాటర్న్ ప్రకారం) ఫిబ్రవరి 11 నుంచి 18 వరకు మూడు సెషన్లలో ఈ పరీక్షలు నిర్వహిస్తారు. ఇంగ్లిష్ ప్రాక్టికల్ పరీక్షలు ఫస్టియర్ విద్యార్థులకు జనవరి 29న, సెకండియర్ విద్యార్థులకు జనవరి 30న నిర్వహించనున్నట్టు తెలిపారు.
ప్రాక్టికల్ పరీక్షలు ఉదయం 9 గంటల నుంచి మధ్యాహ్నం 12 గంటల వరకు మొదటి సెషన్, మధ్యాహ్నం 2 గంటల నుంచి సాయంత్రం 5 గంటల వరకు రెండో సెషన్ (ఆదివారాల్లో సహా) ఉంటాయని వెల్లడించారు. అయితే ఇది తాత్కాలిక షెడ్యూల్ మాత్రమేనని పేర్కొన్నారు. ఒకేషనల్ విద్యార్థుల ప్రాక్టికల్స్కు కూడా ఇదే టైం టేబుల్ వర్తిస్తుందని, వారి పరీక్షల టైమ్ టేబుల్ను మాత్రం వేరేగా విడుదల చేయనున్నట్లు పేర్కొన్నారు.
Comments (0)