Elections Notification | ఏపీలో మూడో విడత పంచాయతీ ఎన్నికల నోటిఫికేషన్ విడుదల

అమరావతి : ఆంధ్రప్రదేశ్లో మూడో విడత ( Third Fase) గ్రామ పంచాయతీ ఎన్నికల నోటిఫికేషన్ ( Elections Notification ) విడుదలైంది. రాష్ట్ర ఎన్నికల ప్రధాన అధికారి అనిల్ చంద్ర పునేఠా గురువారం ఎన్నికల నోటిఫికేషన్ విడుదల చేశారు. రాష్ట్రంలోని 25 జిల్లాల పరిధిలోని ఎంపిక చేసిన మండలాల్లోని గ్రామ పంచాయతీలకు మూడో విడతలో ఎన్నికలు జరుగనున్నాయి. నవంబర్ 21న రిటర్నింగ్ అధికారులు ఫారమ్-1లో ఎన్నికల నోటీసు జారీ చేయడంతో పాటు వార్డు వారీగా ఓటర్ల జాబితాను ప్రదర్శిస్తారని ఎస్ఈవో వివరించారు.
నవంబర్ 21 నుంచి 23వ తేదీ వరకు నామినేషన్ల స్వీకరణ, 24న నామినేషన్ల పరిశీలన , నవంబర్ 25న తిరస్కరణకు గురైన నామినేషన్లు సంబంధిత ఆర్డీఓ వద్ద అప్పీలు , 26న అప్పీలేట్ అధికారులు ఆయా అప్పీళ్ల పరిష్కారం, 27న నామినేషన్ల ఉపసంహరణ ఉంటుందని వెల్లడించారు. 27న పోటీలో ఉన్న అభ్యర్థుల తుది జాబితా ప్రచురణ , డిసెంబర్ 2న ఉదయం 7 గంటల నుంచి మధ్యాహ్నం 1 గంట వరకు పోలింగ్ , మధ్యాహ్నం 2 గంటల నుంచి ఓట్ల లెక్కింపు , ఫలితాల ప్రకటన ఉంటుంని వివరించారు.
ఫలితాలు వెలువడిన రోజే ఉప సర్పంచ్ ఎన్నిక నిర్వహణ, ఆరోజు వీలుకాకపోతే సెలవు దినమైనా మరుసటి రోజు తప్పనిసరిగా ఉప సర్పంచ్ ఎన్నిక నిర్వహించాల్సి ఉంటుందని తెలిపారు. ఎక్కడైనా రీపోలింగ్ అవసరమైతే డిసెంబర్ 3న ఉదయం 7:00 నుంచి మధ్యాహ్నం 1:00 గంట వరకు పోలింగ్ నిర్వహించి, మధ్యాహ్నం 2:00 గంటల నుంచి కౌంటింగ్ నిర్వహిస్తామని పునేఠా వివరించారు.
Comments (0)