Robert Pattinson | కొత్త జేమ్స్ బాండ్గా రాబర్ట్ పాటిన్సన్.. అధికారికంగా ప్రకటించిన అమెజాన్ ఎంజీఎం స్టూడియోస్

Amazon MGM | హాలీవుడ్లో ఎంతో ఆసక్తిగా ఎదురుచూస్తున్న ‘జేమ్స్ బాండ్’ (007) పాత్రకు సంబంధించి నెలకొన్న సస్పెన్స్కు అధికారికంగా తెరపడింది. ప్రపంచవ్యాప్తంగా కోట్లాది మంది అభిమానులు ఆసక్తిగా గమనిస్తున్న ఈ ఐకానిక్ పాత్రలో ప్రముఖ హాలీవుడ్ నటుడు రాబర్ట్ పాటిన్సన్ నటించబోతున్నట్లు అమెజాన్ ఎంజీఎం స్టూడియోస్ అధికారికంగా ప్రకటించింది.
డేనియల్ క్రెయిగ్ తప్పుకున్న తర్వాత, ఈ ప్రతిష్టాత్మకమైన బాండ్ సిరీస్లో నటించనున్న ఏడో నటుడిగా రాబర్ట్ పాటిన్సన్ రికార్డ్ సృష్టించనున్నారు. అమెజాన్ ఎంజీఎం స్టూడియోస్ సోషల్ మీడియా వేదికగా “ఐడెంటిటీ కన్ఫర్మ్డ్” అంటూ ఈ ప్రకటనను వెలువరించగా, సినిమా వర్గాల్లో ఇది ఒక్కసారిగా హాట్ టాపిక్గా మారింది. ‘ట్విలైట్’, ‘ది బ్యాట్మ్యాన్’, ‘టెనెట్’ వంటి విభిన్న చిత్రాలతో గ్లోబల్ వైడ్గా అసాధారణ గుర్తింపు తెచ్చుకున్న రాబర్ట్ పాటిన్సన్, ఇప్పుడు సీక్రెట్ ఏజెంట్ 007గా ప్రేక్షకులను అలరించడానికి సిద్ధమవుతున్నారు. ఈ ప్రాజెక్ట్కు ప్రఖ్యాత దర్శకుడు డెనిస్ విల్లెనెవ్ దర్శకత్వం వహిస్తుండగా, సినిమాపై అంచనాలు భారీగా పెరిగిపోయాయి.
Identity Confirmed https://t.co/FCU5A9c1wk
— James Bond (@007) November 16, 2026
Comments (0)