PM Modi: మనీలాలో గురుద్వార ఖల్సాను సందర్శించిన ప్రధాని మోదీ

మనీలా: ప్రధాని మోదీ(PM Modi) ప్రస్తుతం ఫిలిప్పీన్స్ టూరులో ఉన్న విషయం తెలిసిందే. ఇవాళ ఆయన మనీలాలో ఉన్న గురుద్వార ఖల్సా దివాన్ను సందర్శించారు. అక్కడ ఆయన ప్రత్యేక పూజలు చేశారు. 49వ ఏషియాన్ సదస్సులో పాల్గొనేందుకు మోదీ పిలిఫ్పీన్స్ వెళ్లారు. సోషల్ మీడియా ఎక్స్లో ఆయన ఆ పర్యటన గురించి షేర్ చేశారు. సిక్కుల ప్రార్థనమందిరాన్ని విజిట్ చేసినట్లు ఆయన తన ఎక్స్లో వెల్లడించారు.
Feeling very blessed to be at the Gurudwara Khalsa Diwan in Manila.
ਗੁਰਦੁਆਰਾ ਖ਼ਾਲਸਾ ਦੀਵਾਨ, ਮਨੀਲਾ ਵਿਖੇ ਆ ਕੇ ਬਹੁਤ ਵਡਭਾਗਾ ਮਹਿਸੂਸ ਕਰ ਰਿਹਾ ਹਾਂ। https://t.co/JNuNFMq6Ja
— Narendra Modi (@narendramodi) November 17, 2026
ఖల్సా దివాన్ మనీలాలో అత్యంత పురాతన గురుద్వార. అయితే ఇక్కడ రీడెవలప్మెంట్ మొదలుపెట్టారు. దీని కోసం జరిగిన శంకుస్థాపనలో ఇవాళ ప్రధాని మోదీ పాల్గొన్నారు. వందేళ్ల క్రితం నాటి గురుద్వారను విజిట్ చేయడం సంతోషంగా భావిస్తానని అన్నారు. గురుద్వార పునర్ నిర్మాణ ప్రక్రియకు మోదీ శ్రీకారం చుట్టారు. భారత్-ఫిలిప్పీన్స్ సంస్కృతికి ఖల్సా దివాన్ గురుద్వార వారధిగా నిలిచిందన్నారు. ఆధ్యాత్మిక ప్రాముఖ్యతకు ఈ గురుద్వార కీలకంగా నిలుస్తుందని ప్రధాని అన్నారు. గురు సాహిబ్ల బోధనలు ప్రేరణ ఇస్తాయని, ప్రపంచవ్యాప్తంగా సిక్కు మతస్థులకు ప్రత్యేక గుర్తింపు ఉన్నదని, ఇతరులకు సేవ చేయడంలో ముందు ఉంటారని, ఉత్తమ భవిష్యుత్తును నిర్మిస్తుంటారని మోదీ తన ఎక్స్లో తెలిపారు. 23వ ఏషియాన్ సదస్సులో పాల్గొనేందుకు సోమవారమే మోదీ ఫిలిప్పీన్స్ చేరుకున్నారు.
Comments (0)