ఎంజీయూలో బీఆర్‌ఎస్‌వీ ఆధ్వర్యంలో విద్యార్థుల‌ నిరసన

17 November 2026 - 23:00
0 0
ఎంజీయూలో బీఆర్‌ఎస్‌వీ ఆధ్వర్యంలో విద్యార్థుల‌ నిరసన
ఎంజీయూలో బీఆర్‌ఎస్‌వీ ఆధ్వర్యంలో విద్యార్థుల‌ నిరసన

– ఫీజు రీయింబర్స్‌మెంట్ బకాయిలు వెంటనే విడుదల చేయాలి
– విద్యార్థులకు ఇచ్చిన హామీలు అమలు చేయాల‌ని డిమాండ్

రామగిరి, నవంబర్ 17 : ఎన్నికల సమయంలో విద్యార్థులకు ఇచ్చిన హామీలను కాంగ్రెస్ ప్రభుత్వం వెంటనే అమలు చేయాలని, లేనిపక్షంలో విద్యార్థుల ఆగ్రహానికి గురికాక తప్పదని మహాత్మా గాంధీ యూనివర్సిటీ (ఎంజీయూ) బీఆర్‌ఎస్‌వీ నాయకులు హెచ్చరించారు. కాంగ్రెస్ 2023 ఎన్నికల మేనిఫెస్టోలో విద్యార్థులకు ఇచ్చిన హామీల అమలును డిమాండ్ చేస్తూ యూనివర్సిటీలో విద్యార్థుల ఆధ్వర్యంలో మంగ‌ళ‌వారం నిరసన కార్యక్రమం నిర్వహించారు. ఈ సందర్భంగా కాంగ్రెస్ విడుదల చేసిన అభయహస్తం మేనిఫెస్టోలోని హామీలను విద్యార్థులకు వివరించారు. 18 ఏళ్లు నిండిన విద్యార్థినులకు ఎలక్ట్రిక్ స్కూటీలు, ఫీజు రీయింబర్స్‌మెంట్‌తో పాటు పెండింగ్ బకాయిల చెల్లింపు, ప్రభుత్వ ఉద్యోగాల నియామకాల హామీలను గుర్తుచేస్తూ ప్రభుత్వానికి వ్యతిరేకంగా నినాదాలు చేశారు. అనంతరం విద్యార్థినులు, విద్యార్థులు కలిసి మేనిఫెస్టో ప్రతులను చించి చెత్తబుట్టలో వేసి నిరసన తెలిపారు.

పెండింగ్ ఫీజు రీయింబర్స్‌మెంట్ బకాయిలను వెంటనే విడుదల చేసి విద్యార్థుల చదువులకు ఆటంకం కలగకుండా చూడాలని డిమాండ్ చేశారు. విద్యార్థినులకు ప్రకటించిన ఎలక్ట్రిక్ స్కూటీల హామీ అమలుపై ప్రభుత్వం స్పష్టత ఇవ్వాలని కోరారు. హామీలను విస్మరిస్తే కాంగ్రెస్ పార్టీ రాజకీయంగా మూల్యం చెల్లించుకోవాల్సి వస్తుందని హెచ్చరించారు. ఈ కార్యక్రమంలో యూనివర్సిటీ బీఆర్‌ఎస్‌వీ నాయకులు బోనగిరి దేవేందర్, నార్కట్‌పల్లి రమేష్, ఎంజీయూ బీఆర్‌ఎస్‌వీ అధ్యక్షుడు వాడపల్లి నవీన్, వంశీ, అలేఖ్య, ప్రేరణ, సౌమ్య, మానస, రాధిక, శ్రీదేవి, ఉమామహేశ్వరి, విద్యార్థులు పాల్గొన్నారు.

Comments (0)

User