Rinku Singh | స‌మాజ్‌వాది పార్టీ ఎంపీని పెళ్లి చేసుకోబోతున్న క్రికెట‌ర్ రింకూ సింగ్.. ఆమె ఎవ‌రంటే..!

Rinku Singh : క్రికెటర్ రింకూ సింగ్ (Rinku Singh) త్వరలో ఓ ఇంటివాడు కాబోతున్నాడు. ఓ మ‌హిళా ఎంపీని ఆయ‌న పెళ్లి చేసుకోబోతున్నాడు. సమాజ్‌వాదీ పార్టీ ఎంపీ ప్రియ సరోజ్‌ (Priya Saroj) తో రింకూ సింగ్ వివాహం జ‌రుగ‌నుంది. డిసెంబర్‌ 4న లక్నోలో వారి వివాహ వేడుక జరగనుంది. పెళ్లి ఏర్పాట్లు కూడా మొదలయ్యాయి. క్రికెట్, బాలీవుడ్, వ్యాపార, రాజకీయ రంగాలకు చెందిన ప్రముఖులను వివాహానికి ఆహ్వానించనున్నారు.

ప్రియ సరోజ్ ఇప్పటికే తమ పార్టీ అధినేత అఖిలేశ్‌ యాదవ్‌ను కలిసి వివాహానికి ఆహ్వానిస్తూ శుభలేఖ అందించారు. యూపీ ముఖ్యమంత్రి యోగి ఆదిత్యనాథ్‌ని రింకూ సింగ్ కుటుంబంతో కలిసి తమ వివాహానికి ఆహ్వానిస్తారని సమాచారం. ప్రియ సరోజ్ 2024 ఎన్నికల్లో మచిలీషహర్‌ నుంచి ఎంపీగా ఎన్నికయ్యారు. ఆమె ఆర్ట్స్, న్యాయవాద విద్యలో డిగ్రీలు పూర్తి చేసింది. ప్రియతో రింకూ నిశ్చితార్థం గత ఏడాది జూన్ నెల‌లో జరిగింది.