Pat Cummins: క్రికెట‌ర్ ప్యాట్ క‌మ్మిన్స్‌తో సిడ్నీ వీధిలోనే గొడ‌వ‌ప‌డ్డ భార్య‌.. వీడియో

సిడ్నీ: ఆస్ట్రేలియా క్రికెట‌ర్‌, టెస్టు కెప్టెన్ ప్యాట్ క‌మ్మిన్స్‌, ఆయ‌న భార్య బెక్కీ మ‌ధ్య ఇటీవ‌ల వాగ్వాదం జ‌రిగింది. సిడ్నీ వీధిలో ఆ ఇద్ద‌రూ సుదీర్ఘంగా చర్చించుకున్నారు. క‌మ్మిన్స్‌ను అత‌ని భార్య బెక్కీ నిల‌దీశారు. ఆవేశంతో బెక్కీ మాట్లాడుతుండ‌గా, క‌మ్మిన్స్ మాత్రం సైలెంట్‌గా భార్య మాట‌లు వింటూ ఉండిపోయాడు. ఆ ఘ‌ట‌న‌కు చెందిన వీడియో ఒక‌టి ప్ర‌స్తుతం సోష‌ల్ మీడియాలో వైర‌ల్ అవుతోంది. అయితే 2018 నాటి సాండ్‌పేప‌ర్ గేట్ స్కాండ‌ల్‌కు చెందిన వివాదం ఒక‌టి ఆస్ట్రేలియా క్రికెట‌ర్ల‌ను కుదిపేస్తుండ‌గా, కెప్టెన్ ప్యాట్ క‌మ్మిన్స్ త‌న భార్య‌తో గొడ‌వ‌ప‌డుతున్న‌ట్లుగా ఉన్న వీడియో వైర‌ల్ కావ‌డం సంచ‌ల‌నంగా మారింది. ఈ నేప‌థ్యంలో మీడియాను ఉద్దేశించి శుక్ర‌వారం మాట్లాడ‌నున్న‌ట్లు ప్యాట్ క‌మ్మిన్స్ తెలిపాడు. ఇక త‌మ మ‌ధ్య ఎటువంటి విబేధాలు లేవ‌ని ఇన్‌స్టాగ్రామ్ స్టోరీ ద్వారా క‌మ్మిన్స్ భార్య బెక్కీ ఓ పోస్టు చేసింది.

2018లో ద‌క్షిణాఫ్రికా టూరులో మూడ‌వ టెస్టు స‌మ‌యంలో ఆస్ట్రేలియా ప్లేయ‌ర్లు బాల్ ట్యాంప‌రింగ్‌కు పాల్ప‌డ్డారు. ఫీల్డింగ్ చేస్తున్న కెమ‌రూన్ బ్రాన్‌క్రాఫ్ట్ బంతిని సాండ్‌పేప‌ర్‌తో ఓవైపు రుద్దుతున్న‌ట్లు లైవ్ వీడియోలో క‌నిపించింది. అయితే ఈ ఘ‌ట‌న‌లో అప్ప‌టి కెప్టెన్ స్టీవ్ స్మిత్‌, డేవిడ్ వార్న‌ర్‌, బ్రాన్‌క్రాఫ్ట్‌పై బ్యాన్ విధించారు. ఆ సంచ‌ల‌న ఘ‌ట‌న‌ను సాండ్‌పేప‌ర్ గేట్ అని పిలుస్తున్నారు. ఇక తాజాగా అప్ప‌టి ఆసీస్ బ్యాట‌ర్ ఉస్మాన్ ఖ‌వాజా ఓ సంచ‌ల‌న విష‌యాన్ని బ‌య‌ట‌పెట్టారు. త‌న ఆత్మ‌క‌థ బుక్ స‌బ్ర్‌ను ఖ‌వాజా రిలీజ్ చేశారు. బాల్ ట్యాంప‌రింగ్ గురించి ఆసీస్ ఆట‌గాళ్లు అంద‌రికీ తెలుసు అని ఖ‌వాజా పేర్కొన్నాడు. ఖ‌వాజా ఇచ్చిన స్టేట్మెంట్‌తో ఆసీస్ క్రికెట‌ర్లు ఇబ్బందుల్లో ప‌డ్డారు. రివ‌ర్స్ స్వింగ్ రాబ‌ట్టేందుకు బంతిని శాండ్‌పేప‌ర్‌తో రుద్దుతార‌ని ఖ‌వాజా త‌న బుక్‌లో తెలిపారు. అయితే బౌల‌ర్ల పాత్ర గురించి మాత్రం అత‌నేమీ వెల్ల‌డించ‌లేదు.

Imagine winning World Cups, WTCs and earning millions every year but still getting bashed by your wife on camera!!

That’s Patt Cummins for you!! https://t.co/n57fXjW6Y6

— Rohit (@Iam_Rohit_G) November 12, 2026