Niranjan Reddy | వనపర్తి ఇరిగేషన్ సీఈ ఆఫీస్ ఎదుట రైతుల‌తో నిరంజ‌న్ రెడ్డి ధ‌ర్నా.. వీడియో

Niranjan Reddy |  శ్రీశైలం ప్రాజెక్టులో అందుబాటులో ఉన్న నీటిని కేఎల్ఐ, పాలమూరు–రంగారెడ్డి ఎత్తిపోతల పథకాల ద్వారా తక్షణమే విడుదల చేసి రైతుల పంటలను కాపాడాలని డిమాండ్ చేస్తూ మాజీ మంత్రి సింగిరెడ్డి నిరంజ‌న్ రెడ్డి ఆధ్వ‌ర్యంలో వనపర్తి ఇరిగేషన్ సీఈ కార్యాలయం ఎదుట బీఆర్ఎస్ నాయకులు, రైతులు ధర్నా నిర్వహించారు.

కాంగ్రెస్ ప్రభుత్వ నిర్లక్ష్యం వల్ల పాలమూరు మళ్లీ కరువు ప్రాంతంగా మారుతోందని ఈ సందర్భంగా నేతలు మండిపడ్డారు. కేఎల్ఐ పంపులను నిరంతరం నడిపిస్తూ, జూరాల ఆయకట్టుతో పాటు ఉమ్మడి పాలమూరు జిల్లాలోని రైతులకు సాగునీరు అందించాలని వారు డిమాండ్ చేశారు. ఈ కార్యక్రమంలో మాజీ ఎమ్మెల్యేలు ఆల వెంక‌టేశ్వ‌ర్ రెడ్డి, బీరం హ‌ర్ష‌వ‌ర్ద‌న్ రెడ్డితోపాటు బీఆర్ఎస్ శ్రేణులు, రైతులు పాల్గొన్నారు.

సింగిరెడ్డి నిరంజ‌న్ రెడ్డి మాట్లాడుతూ.. రేవంత్ స‌ర్కార్‌లో అవ‌కాశ‌ముండి నీళ్లు ఇయ్య‌న‌టువ్వంటి అస‌మ‌ర్థ‌త ఉంద‌న్నారు. ఇప్ప‌టికైనా పాల‌మూరు పంపుల‌ను న‌డిపి నీళ్లు ఇచ్చే అవ‌కాశ‌ముంది.. దాన్ని చేప‌ట్టాల‌ని డిమాండ్ చేస్తున్నామ‌న్నారు. మూడేళ్ల కాలంలో కాంగ్రెస్ అట్ట‌ర్‌ఫ్లాప్ అయింది.. కనీసం ఈ ఏడాది కాలంలోనైనా ప్ర‌జ‌ల‌కోసం, రైతుల‌కు మంచి చేసే ఆలోచ‌న చేయాల‌ని ఆల వెంకేటేశ్వ‌ర్ రెడ్డి సూచించారు. ఇప్ప‌టికీ శ్రీశైలంలో నీళ్లున్నాయ‌.. ఈ నెల రోజులు నీళ్లు వ‌దిలినా కూడా వ‌న‌ప‌ర్తి నియోజ‌క‌వ‌ర్గం, కొల్లాపూర్, దేవ‌ర‌క‌ద్ర‌, బూత్పూర్‌ మూసాయిపేట‌, అడ్డాక‌ల్ అన్ని చెక్‌డ్యామ్‌లు నింపి రైతుల‌ను ఆదుకునే అవ‌కాశ‌ముంది. రైతుల ప‌క్షాన ఆలోచ‌న చేయాల‌ని ముఖ్య‌మంత్రిని కోరుతున్నామ‌న్నారు.

శ్రీశైలం ప్రాజెక్టులో అందుబాటులో ఉన్న నీటిని కేఎల్ఐ, పాలమూరు–రంగారెడ్డి ఎత్తిపోతల పథకాల ద్వారా తక్షణమే విడుదల చేసి రైతుల పంటలను కాపాడాలని డిమాండ్ చేస్తూ వనపర్తి ఇరిగేషన్ సీఈ కార్యాలయం ఎదుట బీఆర్ఎస్ నాయకులు, రైతులు ధర్నా నిర్వహించారు.

ఈ కార్యక్రమంలో మాజీ మంత్రి @SingireddyBRS, మాజీ ఎమ్మెల్యేలు @AlaVenkateshwer, @BeeramHarshaBRS తో పాటు పలువురు బీఆర్ఎస్ శ్రేణులు, రైతులు పాల్గొన్నారు.

ఈ సందర్భంగా నేతలు మాట్లాడుతూ.. కాంగ్రెస్ ప్రభుత్వ నిర్లక్ష్యం వల్ల పాలమూరు మళ్లీ కరువు ప్రాంతంగా మారుతోందని మండిపడ్డారు. కేఎల్ఐ పంపులను నిరంతరం నడిపిస్తూ, జూరాల ఆయకట్టుతో పాటు ఉమ్మడి పాలమూరు జిల్లాలోని రైతులకు సాగునీరు అందించాలని వారు డిమాండ్ చేశారు.

— BRS Party (@BRSparty) November 11, 2026

Read Also :

Imran Khan: ఇమ్రాన్ ఖాన్ కంటికి చికిత్స‌.. ఆస్ప‌త్రికి త‌ర‌లింపు

కారేపల్లి మండల అభివృద్ధి పనులపై సమీక్షించిన ప్రత్యేక అధికారి ఆలేటి ప్రమీల

Crime News | ఆ బంధానికి అడ్డుగా ఉన్నాడ‌ని 24 ఏళ్ల కొడుకును ప్రియుడితో క‌లిసి చంపిన త‌ల్లి..!