KTR | కాంగ్రేసోళ్లే ఒక్కొక్కరుగా అన్నీ బయటపెడుతున్నరు : కేటీఆర్

KTR | మనం చెప్పుడు కాదు.. కాంగ్రేసోళ్లే రేవంత్ రెడ్డి బట్టలు విప్పుతున్నరని బీఆర్ఎస్ వర్కింగ్ ప్రెసిడెంట్ కేటీఆర్ అన్నారు. భూపాలపల్లి నియోజకవర్గం నుంచి మాజీ ఎమ్మెల్యే గండ్ర వెంకటరమణా రెడ్డి సారథ్యంలో పెద్ద సంఖ్యలో బీఆర్ఎస్ పార్టీలో చేరారు. బీఆర్ఎస్ వర్కింగ్ ప్రెసిడెంట్ కేటీఆర్ వారికి గులాబీ కండువా కప్పి పార్టీలోకి ఆహ్వానించారు.
ఈ సందర్భంగా కేటీఆర్ మాట్లాడుతూ.. మొన్న జడ్చర్ల ఎమ్మెల్యే అనిరుధ్ రెడ్డి మా కాంగ్రెస్ గవర్నమెంట్లో పర్సంటేజీలు లేనిది ఏ పనీ అయితలేదని.. 15-20 శాతం కమీషన్ ఇస్తేనే పని అయితదని ఏమాత్రం సిగ్గు కూడా పడకుండా ఓపెన్గా మైకులో చెప్పేసిండు.. మళ్లీ అధికారులు తీసుకుంటుర్రు.. మేం మాత్రం ఎమ్మెల్యేలం మంచివాళ్లం అని అంటున్నరు. కానీ ఒక్కటి మాత్రం ఒప్పుకున్నడు.. ఇది ప్రజాపాలన కాదు.. అవినీతి పాలన.. ప్రజాపీడన అని మాత్రం ఆయన ఒప్పుకున్నడన్నారు.
నిన్నటికి నిన్నకోమటిరెడ్డి రాజగోపాల్రెడ్డి కుండ బద్దలు కొట్టేశారు. రేవంత్ రూ.5 లక్షల కోట్లు దోచుకున్న దొంగ.. మొత్తం టెండర్లలో అంతా కుంభకోణాలు, అవినీతి అని చెప్పిండు.. మనమేం బాధపడాల్సిన అవసరం లేదు.. కాంగ్రెసోళ్లే ఒకరి తర్వాత ఒకరు అన్నీ బయటపెడుతున్నరు.. అన్నీ బయటకు వస్తయన్నారు కేటీఆర్.
కాంగ్రెస్ వాళ్లే రేవంత్ రెడ్డి బట్టలు ఇప్పుతున్నారు
కాంగ్రెస్ ప్రభుత్వంలో 15, 20 పర్సెంటేజ్ కమిషన్ లేనిది ఏ పని కావడం లేదని వాళ్ల ఎమ్మెల్యే అనిరుధ్ రెడ్డి చెప్తున్నాడు
రేవంత్ రెడ్డి రూ.5 లక్షల కోట్లు దోచుకున్నాడు, ఆయన దొంగ అని ఇంకో కాంగ్రెస్ ఎమ్మెల్యే రాజగోపాల్ రెడ్డి చెప్తున్నాడు
– కేటీఆర్
— Telugu Scribe (@TeluguScribe) November 19, 2026
Read Also :
Bandla Ganesh | బండ్ల గణేశ్కు జైలుశిక్ష.. రూ. 95 లక్షల చెక్ బౌన్స్ కేసులో ఒంగోలు కోర్టు కీలక తీర్పు
Telangana RERA | రెరా.. ఇది తగునా? రియల్ రంగంలో అవినీతికికొమ్ముకాస్తున్నట్లు విమర్శలు
Comments (0)