Kondagattu | కొండగట్టులో ఆర్జిత సేవలు , వీఐపీ దర్శనాలు తాత్కాలికంగా నిలిపివేత

జగిత్యాల : జగిత్యాల జిల్లా కొండగట్టు (Kondagattu)  శ్రీ ఆంజనేయస్వామి దేవస్థానములో చందనోత్సవం- మహా సంప్రోక్షణ సందర్భంగా పలు సేవ కార్యక్రమాలను తాత్కాలికంగా ( Temporarily Suspend) నిలిపివేస్తున్నామని ఆలయ అధికారులు వివరించారు. ఈనెల 15 నుంచి 20వ తేదీ వరకు దేవస్థానంలో నిర్వహించబడే అన్ని ఆర్జిత సేవలు , వాహన పూజలను తాత్కాలికంగా నిలిపివేస్తున్నట్లు ప్రకటించారు.

అదేవిధంగా చందనోత్సవం సందర్భంగా శ్రీ స్వామి వారి మూలవిరాట్టు దర్శనాలు భక్తులకు అందుబాటులో ఉండవని వివరించారు. . భక్తుల దర్శనార్థం బాలాలయం ఏర్పాటు చేసి అక్కడ దర్శన సౌకర్యం కల్పించబడుతుందన్నారు . వీఐపీ దర్శనాలు కూడా తాత్కాలికంగా నిలిపివేయ బడతాయని , సిఫారసు లేఖలు కూడా పరిగణలోకి తీసుకొనబడవని తెలిపారు. 21 నుంచి అన్ని ఆర్జిత సేవలు , వాహన పూజలు యథావిధిగా కొనసాగుతాయని, స్వామి వారి నిజరూప దర్శనము భక్తులకు కల్పిస్తామని పేర్కొన్నారు.