Apprentice | ఇండియన్‌ ఆయిల్‌ కార్పొరేషన్‌ లిమిటెడ్‌లో 409 అప్రెంటిస్‌ ఖాళీలు

ఇండియన్‌ ఆయిల్‌ కార్పొరేషన్‌ లిమిటెడ్‌ (IOCL) మార్కెటింగ్‌ డివిజన్‌, ఈస్టర్న్‌ రీజియన్‌ పరిధిలో వివిధ విభాగాల్లో ఖాళీగా ఉన్న అప్రెంటిస్‌ల భర్తీకి నోటిఫికేషన్‌ విడుదల చేసింది. దీనిద్వారా 409 ఖాళీలను నింపనుంది. టెక్నీషియన్‌, ట్రేడ్‌ అప్రెంటిస్‌, గ్రాడ్యుయేట్‌
అప్రెంటిస్‌ పోస్టులు ఖాళీగా ఉన్నాయి. దరఖాస్తు ప్రక్రియ ప్రారంభమైంది. డిసెంబర్‌ 12తో ముగుస్తుంది. అర్హులైన అభ్యర్థులు ఈ అవకాశాన్ని వినియోగించుకోవాలి.

పోస్టులు
టెక్నికల్‌ అప్రెంటిస్‌ (మెకానికల్, ఎలక్ట్రికల్, ఇన్‌స్ట్రుమెంటేషన్‌, సివిల్, ఎలక్ట్రికల్‌ అండ్‌ ఎలక్ట్రానిక్స్‌, ఎలక్ట్రానిక్స్‌, ఫిట్టర్‌)
ఐటీఐ ట్రేడ్‌ అప్రెంటిస్‌ (ఫిట్టర్‌, ఎలక్ట్రీషియన్‌, ఎలక్ట్రానిక్స్‌ మెకానిక్‌, ఇన్‌స్ట్రుమెంట్‌ మెకానిక్‌, మెషినిస్ట్‌)
గ్రాడ్యుయేట్‌ అప్రెంటిస్‌
డేటా ఎంట్రీ ఆపరేటర్‌ (ఫ్రెషర్‌, స్కిల్‌ సర్టిఫికేట్‌ హోల్డర్)
మొత్తం ఖాళీలు- 409
ఈ ఖాళీలు పశ్చిమ బెంగాల్‌, బిహార్‌, ఒడిశా, జార్ఖండ్‌, అస్సాం, సిక్కిం, త్రిపుర, నాగాలాండ్‌, మిజోరం, మేఘాలయ, మణిపుర్‌, అరుణాచల్‌ ప్రదేశ్‌, అండమాన్‌ అండ్‌ నికోబార్‌ రాష్ట్రాల్లో ఉన్నాయి.

Iocl Posts

అర్హతలు
పోస్టును బట్టి పదో తరగతి, ఐటీఐ, సంబంధిత విభాగంలో మూడేండ్ల డిప్లొమా, ఇంటర్‌ లేదా ఏదైనా డిగ్రీ ఉత్తీర్ణులు అర్హులు. కొన్ని పోస్టులకు 50 శాతం మార్కులు తప్పనిసరి. ఎస్సీ, ఎస్టీ, దివ్యాంగులకు 45 శాతం ఉంటే సరిపోతుంది. డేటా ఎంట్రీ ఆపరేటర్‌, స్కిల్‌
సర్టిఫికేట్‌ పోస్టుకు సంబంధిత సర్టిఫికేట్‌ ఉండాలి.

వయసు
18 నుంచి 24 ఏండ్లలోపు ఉండాలి. ఓబీసీలకు 3, ఎస్సీ, ఎస్టీలకు 5, దివ్యాంగులకు (జనరల్‌) 10, దివ్యాంగులకు (ఓబీసీ‌) 13, దివ్యాంగులకు (ఎస్సీ, ఎస్టీ) 15 ఏండ్లు వయోపరిమితిలో సడలింపు ఉంది.

ఎంపిక
సంబంధిత విద్యార్హతల్లో పొందిన మార్కుల ఆధారంగా మెరిట్‌ జాబితాను రూపొందిస్తారు. షార్ట్‌లిస్ట్‌ చేసి, సర్టిఫికెట్లను పరిశీలిస్తారు. మెడికల్‌ టెస్ట్‌ నిర్వహిస్తారు. ఎలాంటి రాత పరీక్ష లేదు.
ఎంపికైనవారికి 12 నెలల శిక్షణ ఇస్తారు.

చివరితేదీ
ఆన్‌లైన్‌ దరఖాస్తు ప్రక్రియ ప్రారంభమైంది. దరఖాస్తు చేసుకోవడానికి చివరితేదీ డిసెంబర్‌ 12. దరఖాస్తు, ఇతర వివరాలు వెబ్‌సైట్‌ iocl.com/apprenticeshipsలో చూడండి.

Apprentice