AP News | బాధిత కుటుంబాలను ఆదుకుంటాం : ఏపీ హోం మంత్రి అనిత

అమరావతి : ఏపీలోని అనకాపల్లి జిల్లా కొత్త రేవు పోలవరం వద్ద జరిగిన రోడ్డు ప్రమాదం ( Road Accident ) లో మరణించిన కుటుంబాలను  ప్రభుత్వం పరంగా ఆదుకుంటామని హోం మంత్రి వంగలపుడి అనిత ( Minister Anitha ) తెలిపారు. శుక్రవారం ఎస్‌రాయవరం మండలం గుర్రాజుపేటకు చెందిన ఆరుగురు యువకులు కారులో రేవు పోలవరం వెళ్లి తిరిగి వస్తుండగా అదుపుతప్పి కొత్త రేవు పోలవరం వద్ద విద్యుత్‌ స్తంభాన్ని ఢీ కొట్టింది.

దీంతో ప్రమాదంలో ముగ్గురు అక్కడికక్కడే చనిపోగా, తీవ్రంగా గాయపడ్డ ముగ్గురిని విశాఖ ఆసుపత్రిలో చేర్పించారు. విషయం తెలుసుకున్న జిల్లా మంత్రి అనిత ప్రమాద స్థలాన్ని పరిశీలించారు. ఆసుపత్రికి వెళ్లి క్షతగాత్రులను పరామర్శించారు. బాధితులను ప్రభుత్వం తరఫున అన్ని సహాయ సహకారాలు అందిస్తామని , ఆసుపత్రిలో ఉన్న బాధితులకు మెరుగైన చికిత్స అందించాలని ఆసుపత్రి వైద్యాధికారులను ఆదేశించారు.