Kedarnath Temple: కేదార్‌నాథ్ ఆల‌యం మూసివేత‌

డెహ్రాడూన్‌: ఉత్త‌రాఖండ్‌లోని జ్యోతిర్లింగ క్షేత్రం కేదార్‌నాథ్ ఆల‌యాన్ని ఇవాళ మూసివేశారు. శీతాకాలం ప్రారంభం నేప‌థ్యంలో ఆల‌యంలో ద‌ర్శ‌నాలు బంద్ చేశారు. ఇవాళ ఉద‌యం 8.30 నిమిషాల‌కు వేద మంత్రాల మ‌ధ్య ఆల‌యానికి తాళం వేశారు. ఉత్స‌వ కేదార్ విగ్ర‌హ‌మూర్తిని అశేష భ‌క్త‌జ‌నం మ‌ధ్య త‌ర‌లించారు. ఆల‌యం మూసివేత సంద‌ర్భంగా ఉద‌యం 4 గంట‌ల‌కే ప్ర‌త్యేక పూజ‌లు ప్రారంభం అయ్యాయి. సంప్ర‌దాయ రీతిలో అన్ని కార్య‌క్ర‌మాల‌ను నిర్వ‌హించారు. మంగ‌ళ‌క‌ర‌మైన గ‌డియ‌ల్లో ఆల‌యాని తాళం వేశారు. బాబా కేదార విగ్ర‌హ‌మూర్తిని ఊకీమ‌ట్‌లోని ఓంకారేశ్వ‌ర ఆల‌యానికి త‌ర‌లించారు. హ‌ర‌హ‌ర మ‌హాదేవ్ అని నినాదాలు చేస్తే వేల సంఖ్య‌లో బాబా భ‌క్తులు ఈ కార్య‌క్ర‌మంలో పాల్గొన్నారు.

आज केदारनाथ धाम के कपाट शीतकाल के लिए हुए बंद…
#kedarnath https://t.co/Axc6OynolJ

— Rajesh Maurya… (@rajesh_mauryaup) November 11, 2026

ఈ ఏడాది సుమారు 19 ల‌క్ష‌ల మంది భ‌క్తులు కేదారీశ్వ‌రుడి ద‌ర్శ‌నం చేసుకున్నారు. శీతాకాలం దృష్ట్యా ఆల‌యాన్ని మూసివేస్తున్న సంద‌ర్భంగా మంగ‌ళ‌వారం సాయంత్రం కేదార్‌నాథ్‌లో ప్ర‌త్యేక కార్య‌క్ర‌మాన్ని నిర్వ‌హించారు. సాయంత్ర హార‌తి ముగిసిన త‌ర్వాత .. భార‌తీయ ఆర్మీ బ్యాండ్ ప్ర‌త్యేక ప్ర‌ద‌ర్శ‌న ఇచ్చింది. ఆల‌య ప్ర‌ధాన పూజారి స‌మ‌క్షంలో ఈ కార్య‌క్ర‌మం జ‌రిగింది. మ‌ళ్లీ వేస‌వి కాలంలో కేదారీశ్వ‌రుడి ఆల‌య త‌లుపులు తెరుచుకుంటాయి. ఛార్‌ధామ్‌ యాత్ర‌లో భాగ‌మైన య‌మునోత్రి ఆల‌యాన్ని కూడా ఇవాళ మూసివేశారు.

The portals of the Kedarnath Temple closed for the winter season today— November 11, 2026, at 8:30 AM, on the auspicious occasion of Bhai Dooj

Jai Kedar https://t.co/mOuVuyxTLs

— Jaya_Upadhyaya (@Jayalko1) November 11, 2026