KCR | మళ్లీ బీఆర్ఎస్ రావాలి.. కేసీఆర్ సీఎం కావాలి.. రెండో రోజుకు చేరిన ఏడుపాయల–ఎర్రవల్లి పాదయాత్ర

KCR | తెలంగాణలో మరోసారి బీఆర్ఎస్ ప్రభుత్వం అధికారంలోకి రావాలని, కేసీఆర్ మళ్లీ ముఖ్యమంత్రి కావాలని ఆకాంక్షిస్తూ చేపట్టిన ఏడుపాయల–ఎర్రవల్లి పాదయాత్ర రెండో రోజుకు చేరుకుంది. మెదక్ జిల్లా కల్వకుంట్ల సర్పంచ్ అందె కొండల్ రెడ్డి, శంకరంపేట మాజీ సర్పంచ్ కుమార్ గౌడ్ ఆధ్వర్యంలో బీఆర్ఎస్ నాయకులు, కార్యకర్తలు పాదయాత్రను కొనసాగిస్తున్నారు.
తొలిరోజు ఏడుపాయల శ్రీ వనదుర్గ భవానీ అమ్మవారిని దర్శించుకుని ప్రత్యేక పూజలు నిర్వహించిన అనంతరం యాత్రను ప్రారంభించారు. కేసీఆర్ నిండు నూరేళ్లు ఆయురారోగ్యాలతో ఉండాలని, మరోసారి ముఖ్యమంత్రి కావాలని అమ్మవారిని ప్రార్థించారు. అదే సంకల్పంతో రెండో రోజు కూడా పాదయాత్రను కొనసాగిస్తున్నారు.
ఈ సందర్భంగా నాయకులు మాట్లాడుతూ.. పదేళ్ల బీఆర్ఎస్ పాలనలో తెలంగాణ అన్ని రంగాల్లో అభివృద్ధి సాధించిందని పేర్కొన్నారు. వివిధ సంక్షేమ పథకాల ద్వారా అన్ని వర్గాల ప్రజలకు లబ్ధి చేకూరిందని తెలిపారు. తెలంగాణకు మళ్లీ పూర్వ వైభవం రావాలంటే కేసీఆర్ నాయకత్వంలో బీఆర్ఎస్ ప్రభుత్వం అధికారంలోకి రావాలని ఆకాంక్షించారు. ఏడుపాయల వనదుర్గమ్మ అమ్మవారి ఆశీస్సులతో పాదయాత్ర విజయవంతంగా పూర్తికావాలని కోరుకుంటున్నట్లు వెల్లడించారు.
ఈ పాదయాత్రలో మాజీ వైస్ ఎంపీపీ సత్యనారాయణ గౌడ్, రజక్పల్లి సర్పంచ్ కనకరాజు, బీఆర్ఎస్వీ నియోజకవర్గ నాయకులు గంజి నవీన్ శ్రీనివాస్, బీఆర్ఎస్వీ మండల అధ్యక్షుడు మావురం రాజు, వార్డు సభ్యుడు పంపరి నాగేష్తో పాటు వివిధ మండలాలకు చెందిన నాయకులు వినయ్, ప్రవీణ్, సాయి, విల్సన్, సల్మాన్, అంతేలి నాగరాజు, కనుక రాజు, రమేష్, స్వామి, రాజు, శేఖర్, శ్రీకాంత్, నరేష్, లక్ష్మణ్ తదితరులు పాల్గొన్నారు.
Comments (0)