AakasamLo Oka Tara | సెన్సార్ పూర్తి చేసుకున్న దుల్కర్ సల్మాన్ ‘ఆకాశంలో ఒక తార’.. నవంబర్ 20న గ్రాండ్ రిలీజ్!

టాలీవుడ్ సెన్సేషనల్ హీరో దుల్కర్ సల్మాన్ (Dulquer Salmaan) ప్రధాన పాత్రలో నటిస్తున్న మోస్ట్ అవేటెడ్ లవ్ అండ్ ఎమోషనల్ డ్రామా ‘ఆకాశంలో ఒక తార’ (AakasamLoOkaTara). పవన్ సాధినేని దర్శకత్వంలో తెరకెక్కుతున్న ఈ సినిమాపై ప్రేక్షకుల్లో భారీ అంచనాలున్నాయి. తాజాగా ఈ చిత్రానికి సంబంధించి సెన్సార్ కార్యక్రమాలు పూర్తయ్యాయి మరియు సెన్సార్ బోర్డు ఈ సినిమాకు ‘యూ/ఏ’ (U/A) సర్టిఫికెట్ జారీ చేసింది.
ఇక సినిమా విడుదలకు తేదీ దగ్గర పడుతుండటంతో మేకర్స్ చిత్ర ట్రైలర్ను అధికారికంగా విడుదల చేశారు. తెలుగు, తమిళం, మలయాళం భాషల్లో విడుదలైన ఈ ట్రైలర్ ప్రేక్షకులను విశేషంగా ఆకట్టుకుంటోంది. చిత్రంలో సాత్విక వీరవల్లి కథానాయికగా నటిస్తుండగా, శృతి హాసన్ మరో కీలక పాత్రలో మెరువనున్నారు. గీతా ఆర్ట్స్, స్వప్న సినిమాస్ తదితర ప్రముఖ నిర్మాణ సంస్థలు సంయుక్తంగా నిర్మిస్తున్న ఈ చిత్రానికి జి.వి. ప్రకాష్ కుమార్ అద్భుతమైన సంగీతం అందించారు. అన్ని హంగులు పూర్తి చేసుకున్న ఈ చిత్రం నవంబర్ 20వ తేదీన ప్రపంచవ్యాప్తంగా భారీ స్థాయిలో థియేటర్లలో విడుదలకు సిద్ధమవుతోంది.
Comments (0)