Jana Chaitanya Sabha | జన చైతన్య సభను జయప్రదం చేయాలి : బీఆర్ఎస్ నాయకుల పిలుపు

వరంగల్ : హనుమకొండ కేడీసీ గ్రౌండ్లో ఆదివారం నిర్వహించనున్న బీఆర్ఎస్జన చైతన్య సభను ( Jana Chaitanya Sabha ) విజయవంతం చేయాలని బీఆర్ఎస్ ( BRS ) నాయకులు పిలుపునిచ్చారు. బీఆర్ఎస్ వర్కింగ్ ప్రెసిడెంట్ కేటీఆర్ పాల్గొనే సభకు వేలాదిగా ప్రజలు తరలిరావాలని మాజీ మంత్రి ఎర్రబెల్లి దయాకర్రావు, మాజీ ఎంపీ బోయినపల్లి వినోద్కుమార్ పిలుపునిచ్చారు.
శనివారం వరంగల్ జన చైతన్య సభ ఏర్పాట్లను బీఆర్ఎస్ నాయకులతో కలిసి పరిశీలించారు. 2001లో కేసీఆర్ వరంగల్లో భారీగా సభను నిర్వహించడం వల్ల ఆ సభ తెలంగాణ ఉద్యమానికి దిక్సూచిగా పనిచేసిందన్నారు. ఒకప్పుడు తెలంగాణ ఉద్యమానికి నూతన ఉత్తేజాన్ని అందించిన ఇదే ప్రాంగణంలో రేపు బహిరంగ సభ నిర్వహించనున్నామని తెలిపారు. ఈ సభకు మేధావులు, ప్రజలు వేలాదిగా తరలిరానున్నరని వివరించారు. ఈ కార్యక్రమంలో బీఆర్ఎస్ నాయకులు ఆరూరి రమేశ్, మాజీ చైర్మన్లు, మాజీ కార్పొరేటర్లు, నాయకులు పాల్గొన్నారు.
Comments (0)