Jagtial Hospital | ప‌ని చేయ‌ని ఎమర్జెన్సీ ప‌రికరాలు.. జ‌గిత్యాల మాజీ మున్సిపల్ వైస్ చైర్మన్ మృతి

Jagtial Hospital |  కాంగ్రెస్ ప్ర‌భుత్వ హ‌యాంలో ఆస్ప‌త్రుల నిర్వ‌హ‌ణ, ప‌ర్య‌వేక్ష‌ణ‌ ఎలా ఉందో తెలిపే మ‌రో ఘ‌ట‌న ఇది. జగిత్యాల ప్రభుత్వాసుపత్రిలో అత్య‌వ‌స‌ర స‌మ‌యంలో ఎమర్జెన్సీ పరికరాలు పనిచేయక‌పోవ‌డంతో ఓ నిండు ప్రాణం పోయింది.

మాజీ మున్సిపల్ వైస్ చైర్మన్ యూసుఫ్‌కు జగిత్యాల గుండెపోటు రావ‌డంతో ఆయ‌న కొత్త బస్టాండ్ సమీపంలో కుప్పకూలిపోయారు. దీంతో యూసుఫ్‌ను స్థానికులు వెంట‌నే జగిత్యాల ప్రభుత్వాసుపత్రికి తరలించారు. అయితే ఆస్ప‌త్రిలో అత్య‌వ‌స‌రం సేవ‌ల‌కు ఉప‌యోగించే ఈసీజీ మిషన్, ఇత‌ర పరికరాలు పనిచేయలేదు. స‌రైన స‌మ‌యంలో వైద్యం అందించే ప‌రిస్థితి లేక‌పోవ‌డంతో యూసుఫ్ ప్రాణాలు కోల్పోయారు.

అత్యవసర సమయంలో ఎమెర్జెన్సీ వైద్య పరికరాలు పనిచేయకపోవడంపై యూసుఫ్ కుటుంబ సభ్యులు ఆగ్ర‌హం వ్య‌క్తం చేశారు. మిష‌న్ ప‌ని చేయ‌డం లేదు.. జిరాక్స్ రాదు.. స‌రైన మ‌నుషులు లేక‌పోతే ఇక్క‌డికొచ్చినవాళ్లు చ‌నిపోయ‌తారు.. ముందు మిష‌న్ మంచిగా చేయించండి.. అంటూ యూసుఫ్ కుటుంబ‌సభ్యుడొక‌రు ఆస్ప‌త్రి మేనేజ్‌మెంట్‌పై ఫైర్ అయ్యాడు.

జగిత్యాల ప్రభుత్వాసుపత్రిలో పనిచేయని ఎమర్జెన్సీ పరికరాలు

గుండెపోటుకు గురై జగిత్యాల మాజీ మున్సిపల్ వైస్ చైర్మన్ మృతి

కొత్త బస్టాండ్ సమీపంలో గుండెపోటుతో కుప్పకూలిన మాజీ మున్సిపల్ వైస్ చైర్మన్ యూసుఫ్

హుటాహుటిన జగిత్యాల ప్రభుత్వాసుపత్రికి తరలించిన స్థానికులు

ఆసుపత్రిలో పనిచేయని ఈసీజీ మిషన్, అత్యవసర పరికరాలు

అరగంట ఆలస్యం తర్వాత యూసుఫ్ మృతి చెందినట్లు నిర్ధారణ

అత్యవసర సమయంలో వైద్య పరికరాలు పనిచేయకపోవడంపై కుటుంబ సభ్యుల ఆగ్రహం

— Telugu Scribe (@TeluguScribe) November 15, 2026