Gunmaaster G9 | ఇమ్రాన్ హష్మీ, జెనీలియా ‘గన్‌మాస్టర్ జి9’ ట్రైలర్ విడుదల.!

Gunmaaster G9 | బాలీవుడ్ స్టార్ హీరో ఇమ్రాన్ హష్మీ, వర్సటైల్ నటి జెనీలియా దేశ్‌ముఖ్ ప్రధాన పాత్రల్లో నటిస్తున్న తాజా రొమాంటిక్ యాక్షన్ ఎంటర్‌టైనర్ ‘గన్‌మాస్టర్ జి9’ (Gunmaaster G9) చిత్రానికి సంబంధించి మేకర్స్ తాజాగా ట్రైలర్‌ను విడుదల చేశారు. ఈ సినిమా ద్వారా ఇమ్రాన్ హష్మీ మరోసారి తనదైన శైలిలో యాక్షన్ మరియు రొమాంటిక్ ఎంటర్‌టైనర్‌తో ప్రేక్షకులను అలరించడానికి సిద్ధమవుతున్నారు.

ప్రముఖ దర్శకుడు ఆదిత్య దత్ దర్శకత్వంలో తెరకెక్కుతున్న ఈ చిత్రానికి టాలెంటెడ్ మ్యూజిక్ డైరెక్టర్ హిమేష్ రిషిమియా సంగీతం అందిస్తున్నారు. ఇప్పటికే ఈ సినిమా నుంచి విడుదలైన పాటలు మరియు సంగీతం ప్రేక్షకులను విపరీతంగా ఆకట్టుకోగా, తాజాగా విడుదలైన ట్రైలర్ సినిమాపై అంచనాలను తారాస్థాయికి చేర్చింది. ఈ చిత్రంలో ఇమ్రాన్ హష్మీ, జెనీలియా జోడీ మొదటిసారి తెరపై నటిస్తుండటంతో వీరి మధ్య ఆన్-స్క్రీన్ కెమిస్ట్రీ ప్రత్యేక ఆక‌ర్ష‌ణ‌గా నిలవనుంది. అపర్శక్తి ఖురానా తదితరులు కీలక పాత్రలు పోషిస్తున్న ఈ చిత్రాన్ని దీపక్ ముకుట్, హునార్ ముకుట్ మరియు సంగీత అహిర్ సంయుక్తంగా నిర్మిస్తున్నారు. అన్ని కార్యక్రమాలను పూర్తి చేసుకుని ఈ హై-వోల్టేజ్ యాక్షన్ డ్రామా నవంబర్ 27న ప్రపంచవ్యాప్తంగా ఘనంగా థియేటర్లలో విడుదల కానుంది.