O Saathi Re | ఇంతియాజ్ అలీ ‘ఓ సాథి రే’ విడుదల తేదీ ఖరారు!

Imtiaz Ali | బాలీవుడ్ ద‌ర్శ‌కుడు ఇంతియాజ్ అలీ కొత్త రొమాంటిక్ సిరీస్ ‘ఓ సాథి రే’ విడుదల తేదీ ఖరారైంది. అదితి రావు హైదరి, అవినాష్ తివారీ, అర్జున్ రాంపాల్ ప్రధాన పాత్రల్లో నటిస్తున్న ఈ సిరీస్ డిసెంబర్ 4న ప్రముఖ ఓటీటీ వేదిక నెట్‌ఫ్లిక్స్‌లో విడుదల కానుంది. విడాకులు తీసుకోబోతున్న ఒక జంట ప్రయాణంలో ఎదురయ్యే ప్రేమ, అసమానతలు, భావోద్వేగాల సంక్లిష్టతలను ఈ సిరీస్ అత్యద్భుతంగా ఆవిష్కరించనుంది.

ఈ ప్రాజెక్ట్‌ను విండో సీట్ ఫిల్మ్స్ బ్యానర్‌పై ఇంతియాజ్ అలీ, మోహిత్ చౌదరి, శిబాశిష్ సర్కార్ సంయుక్తంగా నిర్మిస్తున్నారు. దీనికి ఇంతియాజ్ అలీ సృష్టికర్తగా వ్యవహరించగా, ఆరిఫ్ అలీ దర్శకత్వం వహించారు. ఈ కథ గురించి ఇంతియాజ్ అలీ మాట్లాడుతూ, విడిపోవడానికి సిద్ధమవుతున్న జంట మధ్య కూడా ప్రేమ ఏ విధంగా పెరుగుతుందో ఈ సిరీస్ చూపిస్తుందని తెలిపారు. నెట్‌ఫ్లిక్స్ ఇప్పటికే ఈ సిరీస్‌కు సంబంధించిన పోస్టర్‌ను విడుదల చేయగా, ప్రేక్షకులలో భారీ అంచనాలు నెలకొన్నాయి.