Global Summit | ఇన్వెస్ట్ తెలంగాణ గ్లోబల్ సమ్మిట్’ను వెంటనే వాయిదా వేయాలి.. సీఎంకు మేధావుల బ‌హిరంగ లేఖ‌

17 November 2026 - 13:30
0 0
Global Summit | ఇన్వెస్ట్ తెలంగాణ గ్లోబల్ సమ్మిట్’ను వెంటనే వాయిదా వేయాలి.. సీఎంకు మేధావుల బ‌హిరంగ లేఖ‌
Global Summit

Global Summit | ఇన్వెస్ట్ తెలంగాణ గ్లోబల్ సమ్మిట్’ను వెంటనే వాయిదా వేయాలి అని పౌర సమాజ నేతలు, మేధావులు డిమాండ్ చేశారు. ఈ మేర‌కు 400 మందికి పైగా సీఎం రేవంత్ రెడ్డికి బహిరంగ లేఖ రాశారు. తీవ్రమైన ఎల్‌నినో కరువు ఉండగా, రాష్ట్రంలోని 31 జిల్లాల్లో 365 మండలాల్లో కరువు నెలకొన్నప్పుడు విదేశీ సదస్సులు అవసరమా అంటూ నిలదీశారు. జనం దాహంతో అల్లాడుతుంటే 4 వేల మంది అతిథులకు ఫైవ్‌స్టార్ విలాసాలు ఎందుకు? అంటూ ప్రభుత్వంపై ఆగ్రహం వ్య‌క్తం చేశారు.

నీటి ఎద్దడితో స్కూళ్లు, హాస్టళ్లు మూతపడుతుంటే భారత్ ఫ్యూచర్ సిటీలో వేడుకలపై తీవ్ర అభ్యంతరం వ్య‌క్తం చేశారు. కరువు సహాయక చర్యలను గాలికొదిలేసి ఉన్నతాధికారులను అతిథుల సేవలకు మళ్లించడంపై మేధావులు మండిప‌డ్డారు. విదేశీ ప్రతినిధులకు ఐఏఎస్, ఉన్నతాధికారులను లైజన్ ఆఫీసర్లుగా నియమించడం పరిపాలనా వైఫల్యమేనన‌ని పేర్కొన్నారు. ప్రజాధనం, నీరు, విద్యుత్‌ను పూర్తిగా కరువు నివారణకే కేటాయించాలని పౌర సమాజం డిమాండ్ చేసింది. లేఖపై సంతకాలు చేసిన ప్రొఫెసర్ శాంతా సిన్హా, ఆకునూరి మురళి, ఇ.ఎ.ఎస్. శర్మ తదితర ప్రముఖులు ఉన్నారు.

Comments (0)

User