Premada Oorali | రూ. 139 కోట్ల బాక్సాఫీస్ సంచలనం.. ఓటీటీలోకి కన్నడ బ్లాక్‌బస్టర్ ‘ప్రేమద ఊరలి’!

17 November 2026 - 13:30
0 0
Premada Oorali | రూ. 139 కోట్ల బాక్సాఫీస్ సంచలనం.. ఓటీటీలోకి కన్నడ బ్లాక్‌బస్టర్ ‘ప్రేమద ఊరలి’!
Premada Oorali

Premada Oorali | కన్నడ బాక్సాఫీస్ వద్ద సంచలన విజయం సాధించిన ‘ప్రేమద ఊరలి’ (Premada Oorali) సినిమా ఎట్టకేలకు ఓటీటీలోకి అడుగుపెట్టింది. కేవలం 60 షోలతో చాలా సాధారణంగా థియేటర్లలో విడుదలై, మౌత్ టాక్‌తో భారీ విజయాన్ని అందుకున్న ఈ చిత్రం రూ. 139 కోట్లకు పైగా గ్రాస్ కలెక్షన్లను రాబట్టి చరిత్ర సృష్టించింది. కాగా, థియేటర్లలో విజయవంతంగా 50 రోజులు పూర్తి చేసుకున్న ఈ రొమాంటిక్ ఫ్యామిలీ డ్రామా నవంబర్ 17 నుంచి ప్రముఖ ఓటీటీ వేదిక అమెజాన్ ప్రైమ్ వీడియో (Amazon Prime Video)లో డిజిటల్ స్ట్రీమింగ్‌ను ప్రారంభించింది. మ‌రోవైపు తెలుగులో కూడా ఈ చిత్రం ప్రేమ‌నే ఊరిలో అనే పేరుతో విడుద‌లై పాజిటివ్ టాక్‌ని తెచ్చుకుంది.

మనోజ్ కుమార్ దర్శకత్వం వహించిన ఈ చిత్రంలో రంగాయణ రఘు, శ్రీ రామ్, రామిక శివు మరియు తపస్విని పూనాచ ప్రధాన పాత్రల్లో నటించారు. భార్య మరణం తర్వాత తన కుమారుడు సంతును పెంచే ఒక సాధారణ రైతు నాగన్న (రంగాయణ రఘు) జీవితం మరియు వారి కుటుంబ బంధాల నేపథ్యంలో ఈ కథ సాగుతుంది. ప్రచార ఆర్భాటం లేకుండా కేవలం 60 షోలతో మొదలైన ఈ సినిమా, కుటుంబ ప్రేక్షకుల ఆదరణతో క్రమంగా పుంజుకుని కర్ణాటక వ్యాప్తంగా 450కి పైగా కేంద్రాలకు విస్తరించింది. నాని నటించిన ‘ది ప్యారడైజ్’ మరియు శివరాజ్‌కుమార్ ‘బెయిల్’ వంటి భారీ చిత్రాల పోటీని తట్టుకుని నిలబడిన ఈ చిత్రం, విడుదలైన 26 రోజుల్లోనే రూ. 100 కోట్ల క్లబ్‌లో చేరింది. సుమారు 53 రోజుల్లో ప్రపంచవ్యాప్తంగా రూ. 139.32 కోట్లకు పైగా గ్రాస్ వసూళ్లను సాధించి కన్నడ సినీ పరిశ్రమలో బిగ్గెస్ట్ బ్లాక్‌బస్టర్‌గా నిలిచింది. వానిల్లా ఎంటర్‌టైన్‌మెంట్స్, జనకమ్మ ప్రొడక్షన్స్ పతాకాలపై మమత దేవేంద్ర, ప్రశాంత్ డి.ఎస్, రమేశ్ ఎన్ సంయుక్తంగా నిర్మించిన ఈ చిత్రానికి సునాద్ గౌతమ్ సంగీతం అందించగా, రాజ్‌కాంత్ ఎస్.కె సినిమాటోగ్రఫీ బాధ్యతలు నిర్వర్తించారు. ప్రస్తుతం థియేటర్లలో ఘన విజయం సాధించిన ఈ చిత్రం ఓటీటీలోనూ ప్రేక్షకులను అలరించడానికి సిద్ధమైంది.

Comments (0)

User