Gautham Ghattamaneni | ‘రామాయణ’ సినిమాకు రివ్యూ ఇచ్చిన‌ గౌతమ్ ఘట్టమనేని.. రేటింగ్ ఎంతంటే?

సూపర్‌స్టార్ మహేష్ బాబు తనయుడు గౌతమ్ ఘట్టమనేని తాజాగా ‘రామాయణ: రైజ్ ఆఫ్ ఎ లెజెండ్’ (Ramayana: Rise of a Legend) సినిమాపై తన అభిప్రాయాన్ని పంచుకున్నారు. ప్రముఖ మూవీ రేటింగ్ ప్లాట్‌ఫారమ్ ‘లెటర్‌బాక్స్డ్’ (Letterboxd) వేదికగా ఈ భారీ పౌరాణిక చిత్రంపై ఆయన స్పందిస్తూ ఏకంగా 4.5 రేటింగ్ ఇవ్వడం ప్రస్తుతం సినీ వర్గాల్లో తీవ్ర చర్చనీయాంశంగా వైరల్‌గా మారింది.

ఈ సినిమా చూశాక నా మనసు పూర్తిగా కరిగిపోయింది, మాటలు రావడం లేదు. ఇందులో సీజీఐ, స్క్రిప్ట్, డైరెక్షన్ మరియు నటన అన్నీ అత్యద్భుతంగా ఉన్నాయి. రాముడి పాత్రలో రణ్‌బీర్ కపూర్ ఎప్పటిలాగే అద్భుతమైన నటన కనబరిచారు. అయితే, రావణాసురుడి పాత్రలో యష్ నటన మాత్రం నన్ను విపరీతంగా ఆకట్టుకుంది. ఆయన నటన అసాధారణం, అద్భుతం అంతే! ప్రతి ఒక్కరూ కచ్చితంగా చూడాల్సిన సినిమా ఇది. భారతీయ సినిమా సత్తా ఏంటో చాటిచెప్పే ఒక నిజమైన నిదర్శనం ఈ చిత్రం అని గౌతమ్ తన రివ్యూలో కొనియాడారు. రణ్‌బీర్ కపూర్ రాముడిగా, రాకింగ్ స్టార్ యష్ రావణాసురుడిగా నటిస్తున్న ఈ పాన్-ఇండియా చిత్రంపై స్టార్ హీరో కొడుకు ఇచ్చిన ఈ రేటింగ్, సినిమాపై ప్రేక్షకుల్లో ఉన్న అంచనాలను మరింత పెంచేసింది.